Chi kijuna’nal ri e’ajpache’ e tz’apilik pa le sector 11 rech ri Centro Preventivo kech Achijab’ rech ri zona 18 xk’am kitjzijol ri’ rech kakikoj ta nik’aj chik kib’i’, rech kariq ri b’anoj k’ax kakib’an ri’ xuquje’ rech ke’ajilaxike nikpa’ keriqitaj pa le japache’ ri’. Eri kitzijol ri e’ajpache’ ri’ are la’ xb’an le rilik chi uwik’aq’ab’ rech kasik’ix pa le k’ak’ kemechakub’al ub’i’ Biométrico MI3.
Eri kow b’anob’alil ri’ are xb’an pa reqale’nib’al ri Sistema Penitenciario (SP) xuquje’ kumal ri wokajil rajawaxik ri’ rech ri Wokajil Ajchajin Tinamit (PNC), rumal k’u ri’ xb’antaj kowonem xe’ajilaxik e 652 chi uwinaql ri pandilla rech Barrio 18 ri e tz’apilik pa le japache’ ri’. Xuquje’ xechap e 11 ri’ rumal xtaq kichapik.
Eri e’ajpache’ xechap loq e’are k’ut: a Carlos Amílcar Tepen López ri’; a Óscar Antonio Calderón Bámaca ri’; a Daniel Alejandro Culajay ri’; a Francisco Florencio Quej Rodríguez ri’; a Elmer Soel Cuxum ri’; a Ángel Bladimir Monroy Garrido ri’; a Yefry Antonio Castro Hernández ri’; a Erick Benjamin García Moreno ri’; a Mario Alexander Colmenares Hernández ri’; a Josué Daniel López ri’; xuquje’ a Jonathan Esaú Gonzáles López ri’.
Eri kimak ri’ are wari’: rumal keqam k’aqb’al q’aq’ ri’ ri kakikoj winaq xuquje’ pa taq etz’enib’al; rumal reqaxik k’aqb’al q’aq’ maj uwujil; rumal xkib’an toq’inik pwaq chi ke ajchoq’e e’ajb’insal ch’ich’; rumal k’o winaq xkikamisaj; rumal k’o elaq’ xkib’ano xuquje’ xe’ok pa taq nimaja ri’; k’o ri nimak’ax xkib’ano; rumal k’o elaq’ xkib’an pa taq le ch’ich’ rech erelwinaq; xuquje’ rumal keqam b’i ub’aq’ k’aqb’al q’aq’ ri’.
Eri tz’ib’an kitzijol ri’ are la’ xb’antajik rech xunimaxik uwach ri b’anoj chajinem jacha ri k’o pa le cholchajinem ri xmajtaj ub’anik rumal ri Ministro rech Gobernación, Marco Antonio Villeda Sandoval, rech kamolik ri qas kib’i’ kitzijol ri winaq e’ajpache’, rech kamajtaj b’i ri nimachajinem pa rachoch taq ri japache’ tz’apib’al, rech katern’exik uk’exik uwach ri taqanem pa wokajil japache’.