Eri Wokajil Ajchajin Tinamit (PNC) katajin kuterne’j ub’anik ri utz chajinem xuquje’ ri k’amq’ab’ tzij kuk’ ri winaqilal pa amaq’ tinamit rech pa kusuk’umaj ri ko’lib’alil uxlanb’al winaqil pa tinamit ri tz’ilam uwach kumal taq pandillas xuquje’ ri molaj e’ajb’anol k’ax. Xuquje’ xb’an retz’eb’axik ri choman ib’ kuk’ ri winaqilal rech kakib’an pixab’nik rech uq’atexik k’ax chi kuxo’l ri kachalalil pa kachoch ri’.
Pa le uq’ijol ri uq’atexik taq ri k’ax, pa oxib’ uq’ab’ tinamit xkib’an ri chajinem, ukunaxik xuquje’ usuk’umaxik pa k’olib’em uxlanb’alil che ri tz’ib’am wi kanoq kumal ri e’ajb’anol k’ax ri’, rech are kasuk’umaxik ruk’ katob’anik konojel ri kemon winaqilal ruk’ ri q’atb’al tzij. Are wa’ xmajtaj pa Santa Cruz rech Quiché, chi la’ xkikunaj wi uwo taq xan uwo taq tz’aq ri tz’ilom kanoq uwach kumal ajb’anol k’ax ri’. E’are ri ajchajin tinamit kuk’ ri winaqilal ri’ xkimol kib’ che usaqb’exik uwach taq xuquje’ xkikunaj ri’, rech saq chik xkiya kanoq pa kaq’ab’ ri winaqil pa tinamit, e’are k’ut ri e q’apojil ri kek’oji chi upam ri’ pa kub’alil.
Pa le aldea Magdalena, San Agustín Acasaguastlán, El Progreso, xkib’an chakunem ri’ rech xkesaj ri ketal ri nik’aj pandillas ri’ che ri xkitz’ib’aj kachib’al cho uwo taq xan rech cho taq nimaja xuquje’ k’ayib’al ri’.
Maltyox chi ke ri q’atb’al tzij xuquje’ ri winaqilal, rumal xkisaqab’isaj uwach ri’ rech kisiqab’isam chi la’ xuquje’ rech utz chik le rilik chi la’ k’ut. Eri urox uwach xkichomaj ri’ are pa San Andrés Xecul, Chuwimeq’ina’, chi la’ k’ut xuquje’ xkisaqab’isaj pa taq kuxlanb’al winaq pa tinamit ri’ xuquje uwo taq xan ri xkimolola’ wi kib’ ri e’ajb’anol k’ax kanoq. Are la’ xsaqab’isaxik ruk’ katob’anik ri winaqilal, rech xkiya uchuq’ab’ ri kub’al k’u’x chi la’ k’ut xuquje’ rech xkib’an utz chech rachib’al pa tinamit, rech xkitoq’ij uwa’lijsaxik jun nimalaj kitatb’enik ri winaqilal pa le uyakik ri jun kemon winaq pa joremal jikomal.
Eri b’anob’alil ri’ are la’ uwach ri b’anoj utzilem pa juntir kumal ri PNC rech uq’atexik ri b0anoj k’ax, rech kaq’atexik rech ke’ok ta ri ak’alab’ kuk’ taq ri pandillas xuquje’ rech ya’ik uchuq’ab’ ri choman ib’ kumal ri winaqilal. Are chi’ kasuk’umaxik ri ilonem uxlanb’alil pa tinamit, eri PNC are kutzukuj rech b’ixik b’anon utzilem pa tinamit ri’ rumal k’ut k’o nim upatanib’alil rech kab’an ri utzilem chi’ xuquje’ rech pa kemonchak kuk’ ri q’atb’al tzij rech pa kakicholajij ub’anik ri taqanem ri’.
Kesik’in katk’oji Jun Q’ij ruk’ awinaqilal
Ruk’ ub’anik ri chak rech suk’umanem pa tinamit, eri PNC ruk’ ri Unidad rech ri Prevención Comunitaria rech ri Violencia (UPCV) pa kemonchak kakichomaj ri ferias ciudadanas rri katob’anik rech keche’x ub’anik wa’ pa jun ujamik q’ij, rech kakiwa’lijsaj ub’anik ri loq’ no’jk’aslemalil ri’ rech kaya pa jumul chik ri kub’al k’u’x chi ke ri winaqilal ruk’ ri wokajil ajchajin tinamit. E pa jumul ri’ are kab’an ri’ pa le tinamti rech Jalapa rech kab’an ri’ Jun Q’ij kuk’ nuwinaqilal, paq’ij domingo 30 rech noviembre kamajtajik pa b’elejeb’ kajb’al rech saqarik pa le parque Central “Dr. Silvano Antonio Carías” ri’.
Pa le q’ijol ri’ kek’oji ri uq’ab’ taqawokajil rech uq’atexik taq ri k’ax, chi’ k’u ri’ eri taq ak’alab’ kakikunaj ri taq achib’al xuquje’ kakib’an etz’anik rech unuk’ik ri loq’ k’aslemalil kumal, xuquje’ rech kakib’an ya’ltzijolil chi rij taq kanimaxik ri winaqilal. Xuquje’ chi rij ri kichak ri unidades rech ri PNC kakiya ub’ixik ri keta’mamaj rech kechakun kuk’ ri winaqilal ri’ rech kakik’utu che nim ri uchakunik kub’an ri wokajil ajchajin tinamit chi ke ri winaqilal e’aj iximulew ri’.