Xaq pa nimaq’ab’ rech pa lunes, eri q’atb’al tzij rech ri Subdirección General rech Análisis rech  Información Antinarcótica (SGAIA) rech ri Wokajil Ajchajin Tinamit (PNC), pa jun kemon puqtzukunem, xkiriq k’ut 867 chi pisoj k’olib’al rech cocaína are uwach ri jun nim eqa’n rech awan kunb’al ri’. Rumal ri’ xb’an jun puqtzukunem rech xsolixik wari’ pa le rulewal uq’ab’ tinamit rech Iztapa, Escuintla, chi la’ k’ut xriqitaj wi loq ri jun nim eqa’n chi awan kunb’al ri’ pa le k’isb’al q’ij rech wuqq’ij pa uwi le saqpalow ub’i’ pa oceáno Pacífico.

Eri puqtzukunem xmajtaj pa le waqib’ (6:00) kajb’al, xb’an kumal reqa’lenelab’ rech antinarcóticos, ruk’ taq ri unidades rech le Marina rech ri Defensa Nacional, ri xkikub’isaj ub’ixik che chi la’ k’ut xriqitaj wi loq ri jun eqa’n awan kunb’al ri’. Are chi’ xterne’x utzijol utzukuxik ri awan kunb’al ri’, rech xsolwachixik le b’anoj rilik ri’ le xa’ pa keb’ oxib’ q’ij kak’am loq pa le nimatinamit rech Iximulew rech kab’an uporoxik jacha ri kub’ij ri taqanem tzij ri’.