Xq’ax b’a’ wajxaqib’ junab’ chik, k’a pa le wuqub’ q’ij rech diciembre rech 2017, are chi’ xk’utun retal uq’ul uchi’ utzij pa uwachwuj pa kaqiq’ le MINGOB Radio, ri xmajtaj ruk’ le ub’ixob’al rech le Ministerio rech Gobernación, ri xb’ixox kumal ri ajq’ojomanelab’ rech ri Orquesta Juvenil rech Villa Nueva. Chi jujunal ri puq ajchakunel rech Comunicación Social rech ri Taqawokajil rech ri Ya’olchajinem pa Amaq’, e’are k’ut xkiya ri utzij ri uk’aslemal pa le q’axeb’al tzij rech utzijolinik ri taqawokajnem ri’.
K’a xmajtaj loq utikik uwach k’a pawe q’ij, eri MINGOB Radio uya’om utzijol pa saqilal xuquje’ pa ajeqa’elenem ri jujun taq b’anow ub’eyal uchak ri Taqawokajnem rech Gobernación ri’, ruk’ taq ri uq’ab’il, pa b’anik utz chajinem chi ke ri winaqilal xuquje’ ri ya’olochajinem pa amaq’ tinamit. Are chi’ xq’ax ri junab’, eri q’axeb’al utzijolinik ri taqawokajil xukoj ri’ jun pa unuk’ulemal taq tzijol, rech taq no’jib’al b’antajil, rech taq b’ixonem q’ojomanik, rech retzb’exik ub’ixik, ruk’ nik’aj chik b’anowem ri’.
Eri jun chi ke ri ucholchak ri’ are el ub’i’ “Informativa GT”, pa le kach’a’w wi le ajtzijonel, Jorge Ranchos, rech kuya utzijol chi rij ri chak tajin kub’an ri Taqawokajil rech Ya’olchajinem pa Amaq’ ruk’ taq ri uq’ab’ilal pa le b’anoj ya’olchajinem ri’. Xuquje’ xk’oji pa “Le Cabina” ri’ le nan ajtzijonel ub’i’ al Flor Ortiz, ri are pa jujun taq wuqq’ij kuq’axe’j ub’ixik jas/su le chak tajin ub’anik rech pa le kaq’atexik ri nik’aj molaj b’anol k’ax jeri’ pa nik’aj chik amaq’ib’ nimatinamit.
Xuquje’ kaqana’tij uq’ij, le “Cafecito Deportivo”, ri xuq’axetaj rumal le Ajtzijolinel, Hugo Toledo, ri are nab’e xuq’axe’j utzijoxik le runimal ub’antajik chi jujunal eri etz’anemb’al, te k’u ri’ chik xuya utzijolixik ri jas/su le xk’ulmataj pa amaq’ tinamit xuquje’ pa uwachulew. Pa le jok’al ucholq’axtzij, xub’an k’i retz’b’exik rech uq’atexik ri k’ax xuquje’ k’o jastaq xsipixik rech pa una’texik ri q’axeb’al utzij.
“Le Radiola” xuquje’ le “Murmullos del Hormigo”, ri keb’ cholq’axtzij ri’ are xuq’axe’j b’ixik, rumal le Ajtzijonel, Jorge Ranchos, ri kukoj pa aninaqil ri b’ixonem rech na’tib’al xuquje’ ri q’ojomsab’al ruk’ taq ri utzinojb’alil le Nimaq’ojom, are utzinob’al we Iximulew. Le “Héroes rech ri Prevención”, are jun q’axeb’al q’ojomsanem rech taqchi’niem rech uq’atexik ri b’anoj k’ax. Ri xya’taj utzijol kumal ri ajeqa’lenel ub’i’ a Estuardo Valdez, a Ricardo Durán, xuquje’ al Yoselin Cardona ri’.
Xuquje’ “Más Allá del Deber”, pa reqale’n le ajtzijolinel, Carlos Hernández. Chi’ k’u ri’ xuya utzijol b’ixik chi rij taq ri utzilaj chak tajin kab’an kumal rajchakunel ri Taqawokajnem ri’, pa taq kik’olib’al tinamit winaqil, xuquje’ rech b’anik utzilal chi ke ri e loq’ winaq pa juntir ri tikirirem. Jeri’, sib’alaj qas xuya ub’ixik ri nim kuchomaj, jacha le je’lilaj kunanib’al, je’lilaj taq b’ix, ri je’lilaj b’anoj k’ayij, xuquje’ ri choletz’anem, ruk’ nik’aj chik.
Eri “Luces ruk’ ri Notas”, are jun q’axeb’al tzijol kab’an rumal le ajtzijolinel, al Mishelle Ruwett, xuquje’ kumal le Ajtzijonelab’, a Alexander Coxaj, ruk’ a Josué Chiquín. E’oxib’ ajtzijolinelab’ ri tajin xkiya utzijol chi rij taq ri chak tajin kakib’an ri wokajil ajchajin tinamit rech kechajin pa taq ri nimaq’ij rech k’isb’al ik’ rech pa junab’ ri’. Ruk’ taq ri b’ixob’al rech kato’ik pa k’isb’al junab’ ri’.
Ri cholq’axtzij ri’
Rech kab’an ri Uwajxaq Uq’ij Rujunab’al Uk’aslemal, pawe job’ q’ij rech diciembre ri’, k’o jun ucholq’axeb’al tzij ri ketzijon wi ri q’atb’al tzij rech Gobernación, ri ajtzijolinelab’ ri k’o kichak keta’mab’alil kib’anom pa rulewal amaq’ tinamit, xuquje’ rech e k’o rajeqa’lenelab’ ri e’are k’ut xkitiko xkiya uk’aslemal le MINGOB Radio ri’.
Le ajtotab’anelab’ rech kakitotab’ej ri’ ri ucholq’axeb’al tzij pa le sitio web: mingob.gob.gt/mingobradio, jeri’ jacha pa le uta’ik le MINGOB Radio pa taq le Android, xuquje’ iPhone. Xuquje’ ya’tal ri’ rech jachin karaj kuta pa taq le uwachwuj pa kaqiq’ rech ri Taqawokajil rech Gobernación, pa taq le kajb’al rech (10:00 a 12:00) lajuj pa kab’lajuj rech panik’aj q’ij.