Eri Ministerio rech Gobernación, pa le uchakunik ri uq’ab’il Unidad Aérea, xtz’apix uwach ri Keb’ Retal Tijonem ub’i’ Especialización pa Aviación Policial, pa le uq’ij tijonem ri’ xya wi nim uq’ijol ri nimantzij xketa’maj ri’, ri xkich’ob’ ri’ xuquje’ rumal eri eqa’lenel ri’ xekowon che uk’isik uwach ri nimatijonem ri’.
Pa le b’anowem ri’ xe’opan wi ri q’atb’al tzij rech ri wokajil chajin tinamit, ri sib’alaj xkiya utzijol chi k’o jun nim upatanib’al chi ke ri xkitijoj kib’ rech reta’maxik uch’ob’ik ri kichak pa taq ri b’insan xik’ach’ich’ ri’.
Eri q’atb’al tzij xki’kotirsaj kuwach e 24 chi eqa’lenelab’ xkik’iso katijioxik kib’, ri xya ub’ixik che sib’alaj utz ri’ le chak kakib’ano pa le ya’olchajinem, tob’anik kakib’an ri’ pa le Unidad Aérea ri’ pa ronojel rulewal amaq’ tinamit. Xuquje’ k’o wujilal xjachik rech na’tib’al kiq’ij xya chi ke ri eqa’lenelab’ ri’ xuquje’ chi ke ri ajtaqanel rech chajin tinamit rumal ketob’anik pa le ya’ik uchuq’ab’ ri cholchak ri’, jacha ri rachb’ilaxik ri b’anoj tijonem pa le taqawokajil ri’.
Eri k’ak’ taq ajeqa’lenelab’ ri’ sib’alaj xkiya utzijol che kakikoj ri xketa’maj xkich’ob’o pa le ya’olchainem winaqilal pa tinamit xuquje’ pa taq ri b’anoj puqtzukunem rumal ri Wokajil Ajchajin Tinamit ri’, ri sib’alaj xkiya utzijol che ri tijonem ri’ are la’ jun nimalaj wa’lijsan ib’ pa le ub’insaxik ri xik’ach’ich’ ri’.