Eri Subdirección General rech Prevención rech ri Delito rech ri Wokajil Ajchajin Tinamit (PNC) xkimaj ub’anik ri ya’ltzijol rech “Molin jun etz’ab’a’l kech nuwinaqil”, are jun cholchazk rech kemol ri utz taq etz’ab’a’l rech kajach pa taq k’olib’al winaqilal che ri rajawaxik chi ke xuquje’ ri keriqitaj pa sib’alaj naj ri’ pa le ik’ rech diciembre ri’. Pa jaqib’al uwach ri’ xk’am ub’e ub’anik rumal le viceministra rech Prevención rech ri Delito, Mayda de León, xuquje’ rumal ri subdirector general rech Prevención rech ri Delito, Pablo Rodríguez Ismalej, achb’ilam kumal taq ri ak’alab’ rech ri jupuqil rech ri PNC, ri xkib’an ri nab’e taq sipanem.
Pa le utzij xub’ij, le viceministra De León sib’alaj xuya ub’ixik che ri ya’ltzijol ri’ are la’ rech kajach ri etz’ab’a’l ri’: rech are la’ jun utzilaj b’iw b’ixik b’anoj jun utzilaj moloj tob’anik xuquje’ rech jun utz iyeb’al chi ke ri e jaqal pa taq ri k’olib’al ch eri qast kopan wi rilonik ri Wokom Amaq’. “Kak’am b’i jun utz ub’ixik rech ki’kotemal ar la’ rech kakilo man katukel taj. Sib’alaj e k’i wokaj ja chi winaqilal tajin kana’tij chi ke che e k’o e ri ak’alab’ keriqitaj naj ri k’o rajawaxik chi ke ri’”, xcha’. Xub’ij k’ut che are kana’tix ri’ che are kak’owisax le unimaq’ij ri alaxib’al ri’ are ruk’ jun ya’el ketz’ab’a’lri’, rech kek’oji jub’iq’ kuk’ ri kachalalil, xuquje’ are ri b’anikil rech man b’anoj k’ax, rech ya’ik uchuq’ab’ ri molin ib’, pa utzilem joremal xuquje’ pa jikomal ri’.
Le viceministra xub’an jun sik’inib’al chi ke konojel ri wokaj ja e’achalalil, chi ke ri wokajil xuquje’ ri winaqilal pa konojel rech kakitunu kib’ pa le ya’ltzijol ri’, che ri kab’an pawe wuqq’ij. Xuquje’ xub’ij che man rech kamol etz’ab’a’l rech ch’oj, k’aqb’al poq’sab’al, sib’alaj xub’ij chi k’o nim upatanib’al rech kak’aslemaxik b’anoj utzilal: “E k’o k’i taq etz’ab’a’l rech taq tinamit xuquje’ ruk’ taq ri etz’ab’a’l che ri kakaj ri taq ak’alab’ taq ala taq ali rech pa ki’kotemal kek’oji ri’. Päwe q’ij ri’ xuquje’ are rech kaq’atexik ri etz’ab’a’l che ri kutukuj ch’oj ri’”.
Rumal ri’, eri subdirector Pablo Rodríguez Ismalej xuya utzijol che pa le waqxaqib’ pa le kajlajuj q’ij rech diciembre ri’ kamajtaj umolik ri etz’ab’a’l pa taq ronojel taq ri jachakub’al rech Prevención rech ri Delito pa amaq’ tinamit. Pa jujun jachakub’al ri’ kak’oji ri’ jun kak’ul wi ri etz’ab’a’l keya chi’, ri are la’ pa katz’ib’ax pa saqilal ri’ rech te k’uri’ kab’e ujachik.
Eri Rodríguez Ismalej xuya ub’ixik ucholaj che pa le 18 pa le 31 rech diciembre ri’ eri reqa’lenelab’ ri PNC keb’e ri’ naj che ujachik ri etz’ab’a’l che ri qast e k’o wi ri q’atb’al tzij ri’: “Kaqaj uj jun kitze’tzotem ri taq ala ri taq ali kuk’ ri e q’apojil, rech b’a’ kaya uchuq’ab’ ri kub’al kik’u’x ri winaqilal chi ke ri Wokajil Ajchajin Tinamit”. Sib’alaj xu’ij che ri taqim ub’anik ri’ are rech k’o jun utzilal tzijob’’el kuk’ ri winaqilal ri’, chi la’ k’ut che ri qast ke’opan wi ri taqawokajil.
Are rech umajik ri ya’ltzijol ri’, eri Ministerio rech Gobernación pa uchakunik ri PNC sib’alaj kutoq’ij ub’anik ruk’ ri uchak kuk’ taq ri winaqilal xuquje’ rech pa ya’ik uwach ri jun no’jk’aslemal rech pa joremal, ruk’ keb’usik’ixik konojel ri winaqilal rech chetatb’en b’a’ pa upatanexik we cholchak ri’ rech k’amik b’i ri ki’kotemal ri utz iyeb’al chi ke taq ri ak’alab’ e’aj iximulew ri’.