Pa le na’tib’al Uq’ijol pa Uwachulew ri Uq’atexik Corrupción ri’, xb’an pawe q’ij kimik 9 rech diciembre pa le jaqib’al Riqon ib’ Anticorrupción 2025 ri’: Suk’ilal pa taqawokajil pa tinamit, pa jun uchomaxik rech uq’atexik ri corrupción ri’, pa jun nim riqon ib’ pa tinamit che xmolin wi ri k’amal B’e Amaq’il, Bernardo Arévalo, chech ri nimawokajil ya’talil rech ri Comisión Nacional rech Uq’atexik ri Corrupción ri’, chi ke ri q’atb’al tzij rech ri Wokom K’amal B’e Amaq’, rech nimatob’anem kumal taq amaq’ib’ nimatinamit pa uwachulew, chi ke ri taq nimatijob’al, chi ke ri kemon winaqilal pa tinamit xuquje’ kuk’ ri e’ajno’jchakunel rech tinamit xuquje’ rech taq nimatinamit pa uwachulew ri’.

Pa le uq’ijol ri’, eri Ministro rech Gobernación, Marco Antonio Villeda, xujach ub’ixik ri Ub’anob’alil ri Nim Uq’atexik pa juntir uwach ri Corrupción 2025–2032 (ESIP), rech xuya qas utzijol che ri taqanem tzij ri’ are rech anticorrupción ri’ “ri tz’aqat uwach, ri nuk’utal uwach xuquje’ ri kab’antaj kowonem ruk’ ri naj chik junab’ b’anom ta rumal ri Wokom Amaq’ ri’”. Eri ub’anob’alil ri’ are la’ xtaq unimaxik ri’ pa le Acuerdo Ministerial 393-2025 ri’, rech xtaq ub’anik, upatanexik pa wokajilal xuquje’ ri xtaq ub’ixik chi ke ri e 67 chi taqawokajilal rech ri Wokom K’amal B’e Amaq’.

Eri taqawokajnel rech Gobernación ri’ sib’alaj xub’ij che ri no’jkajmanem anticorrupción rumal ri wokom k’amal b’e amaq’ ri’ man xaq rech kab’ixik, xane’ are jun wokom cholchakunem xb’an ri’ rech uq’atexik, rech katzukuxik xuquje’ rech kaq’atexik ri corrupción ri’ pa ronojel taq ri Wokom K’amal B’e Amaq’. Eri qas utaqim upatanexik are wari’: jun taqanik chi ke konojel ri e’ajpatanelab’ xuquje’ pa amaq’el: eri utaqik ub’anik pa le Acuerdo Ministerial ri’ pa le ub’anik unimaxik ri’ are ya’tal pa saqilal q’atoj tzij xuquje’ are toq’atalik kab’anik, man k’ot jun kuq’atij uwach xuquje’ ri katerne’x ub’anik pane’ kek’ex ri ajk’amal b’e amaq’ pa tinamit.

Eri Ministro Villeda, xuquje’ sib’alaj xub’ij che ri job’ runimal uwokom uwach le ESIP: le kichakunik ri e’ajeqa’lenel ajno’jchak are pa utz’aqatil chi ke xuquje’ rech kachomax uq’atexik taq ch’ojinik ri’. Eri ya’ik uchuq’ab’il ri taqawokajil are kab’an ruk’ taq uchajixik ri’, ruk’ ri k’ak’ b’anikil pa uwachwuj kemechakub’al xuquje’ rech pa usaqilal kekoj ri e’ajchak ri’. Eri pa saqilal ub’anikilem ri’ ruk’ ri kitatb’enik ri winaqilal ruk’ ri kilob’alil e’ajpatan e’ajilonel pa tinamit, rech ya’tal utzijol ri uchak taq ri wokajilal pa tinamit xuquje’ rech kak’oji pa usuk’ilal. Eri uwach uwa’lib’alil rech ri Sistema Nacional rech  Integridad nuk’utal uwach ruk’ taq retalil b’anob’alil xuquje’ ruk’ ri b’anoj taq chomanem kuk’ taq amaq’ib’ pa uwachulew ri’. Eri chakunib’al poq’san reta’mab’alil taq ri tzijol ri’, ruk’ taq ri uk’utb’alil xuquje’ ri tzukno’jchak ri’. Xuquje’ ri are toq’im ub’anik ri’: ruk’ ri juch’um uwach wujilal rumal ri ESIP rumal ri K’amal B’e Amaq’, rech pa konojel b’a’ ri taqawokajil rajawaxik are kakipatanij ub’anik, uchakuxik xuquje’ are kakib’an uchomaxik uwach ub’anonik ri’.

“K’a pawe q’ij kimik, maj jun taqawokajil ri’ man kub’ij tane’ ‘qeta’m taj jas/su uchakuxik ri’’; eri ub’anob’alil are wokom uwach, cholajisam ub’ixik jas/su ub’anik xuquje’ cholajisam uwach ri’”, junumisam ub’ixik ub’anik ri reqale’m b’anik chak rumal le Wokom K’amal b’e ruk’ jun ub’anik pa juntir, ri silom ub’anik xuquje’ rech kachakuxik pa uq’atexik taq ri corrupción ri’. Xcha’ le tat Villeda.

Rumal k’u ri’, eri K’amal B’e Amaq’ Bernardo Arévalo sib’alaj xub’ij che ri riqon ib’ ri’ are ri’ jun ya’tal uwach ri rech kub’ij ri chak b’anom kumal ri taqawokajilal, xuquje’ ri chak kab’an ub’anik pa qatinamit ri’ rech uq’atexik ri corrupción ri’.

Eri Arévalo xuna’tisaj ub’ixik che pa junab’ chik eri Amaq’ Iximulew ri’ ub’im ri’ che rajawaxik kaq’atexik releq’axik ri ujastaq umeb’il ri amaq’ pa tinamit, rumal ri’ xmajtaj loq ub’anik jun k’ak’ no’jb’anonem ri are kimik rech kab’an pa suk’ilal taq ri kajmanem taqanik pa tinamit.

Eri K’amal B’e Amaq’ xuk’is ub’ixik che pa le utaqanik ri wokom k’amal b’e pa tinamit are rech “kutiko ri utz ija’ b’anowm ri’”, rech kawok uwach ri jun Iximulew pa Rutzilal, jun loq ija’tz ri’ are rajawaxik kab’an utz rilik reye’xik kumal ri winaqilal rech kaq’atataj ri corrupción pa amaq’ tinamit.

Eri Encuentro Anticorrupción 2025 ri’ are xuk’am uchuq’ab’ uwach pa le nab’e ya’tal riqonem ib’ pa amaq’ tinamit kumal ri Wokom K’amal B’e Amaq’, ruk’ utob’anik ri amaq’ib’ taq nimatinamit, kuk’ ri nimatijob’al, kuk’ taq ri winaqilal pa tinamit xuquje’ kuk’ ri e’ajq’axeb’al tzij tzijolinem pa tinamit rech kawok uwach jun kemon ilonem chomanik, rech kachakuxik xuquje’ rech b’a’ kab’an uchakuxik pa juntir ub’antajil ri amaq’ pa tinamit ri’.

Ruk’ ri ukojik upatanexik wari’ rumal ri ESIP xuquje’ rech kab’an uchakuxik jacha ri ub’im ri K’amal B’e Amaq’, Eri Iximulew ri’ ruk’ wa’ kumaj ub’anik uk’aslemaxik jun k’ak’ banikil uwach pa suk’ilal pa amaq’ tinamit ri’ che ri xaq ub’ixik ri’ man rech ta xaq jun tzijolil ta chik pa tinamit, xane’ are rech jun chik uwach k’ak’ b’anowem taqanik pa Amaq’ xuquje’ pa jun ya’tal reqale’n b’anoj chak rech pa chuwe’q kab’ij pa amaq’ tinamit.