Eri nimatob’anem chakunik rumal Iximulew ruk’ Estados Unidos rech Amkérica ri’ xub’an chech le amaq’ tinamit che are jun pa le kemon chomanik xuquje’ ri ajnab’iyel ub’anik pa le uq’atexik taq ri nuk’molaj b’anol k’ax pa taq ri amaq’ib’ nimatinamit pa uwachulew. Eri kemonchak ri’ kumal keb’ amaq’ib’ tinamit are kuya nim uchuq’ab’ tob’anem rech puqchajinem tzukunik pa taq tinamit, pa uwi nim palow xuquje’ pa kaqiq’ pa le kaj, rech pa le uq’atexik ri molaj b’anol k’ax rech awan kunb’al ri’.

Pa le ropanb’alil uq’ijol ri b’anoj kemonchak katob’anik ri keb’ amaqib’ tinamit xb’an ri jun riqon ib’ chakunem rumal ri K’amal B’e Amaq’ Bernardo Arévalo xuquje’ ruk’ ri Taqanel rech ri Administración rech Control rech Drogas (DEA) de EEUU, Terrance C. Cole, pa nimrachoch Wokom Ja rech Amaq’. Eri riqon ib’ ri’ are kuq’alajisaj ub’anik ri kemonchak kkumal ri keb’ taq amaq’ib’ nimatinamit ri’ rech kaq’atexik ri uq’axik ri awan kunb’al xuquje’ ri b’anoj k’ax pa rulewal taq nimatinamit ri’.

“Eri ropanem ri Administrador Cole pa Guatemala, are retal che ri e’ajk’amal b’e taq amaq’ib’ nimatinamit sib’alaj pa kemonchak ketajin che ri ya’olchajinem winaqilal pa qatinamit ri’. Qaya’om uchuq’ab’ ri ub’anikil ri sak’ajil tzukunik, ri chajinem xuquje’ kemon tob’anik. Eri tob’anem ruk’ ri DEA, are la’ k’o nim chomanem katajin ub’anik ri’ rumal ri’ qastzij b’a’ k’o kojtajin che uq’atexik”, xcha’ ri K’amal B’e Amaq’.

Eri Taqanem K’amal B’e Amaq’ xuquje’ sib’alaj xuya ub’ixik che ri utz’apixik kib’e ri nuk’molaj e’ajb’anol k’ax xuquje’ chi ke ri narcotráfico ri’ k’o nim upatanib’al pa rulewal taq amaq’ib’ tinamit. Kojtajin k’ut che uchakuxik ri’ che pa ub’anik ri kemonchak ri’ k’o jun nim rutzilal kub’ano man jumul ta imol wari’. Kojtajin k’ut che uq’atexik ri narctrafico ri’, kuk’ ri molaj b’anol taq k’ax xuquje’ ri e’itzelalaj e xib’ib’anel”, xcha’.

Xuquje’ eri K’amal B’e Amaq’ Arévalo sib’alaj xuya utzijol ub’ixik ri nim kaq’atexik ri narcotráfico b’anom pa le utaqanik ri’. “K’o chik 11 chi nima’q taq eqa’nib’al chi awan kunb’al ruk’ awan taq jastaq riqom pawe junab’ ri’, jeri’ k’o nim eqa’n chik uk’u’x rech b’anob’al rech fentanilo riqom chik. Pa 2025 ri’, sib’alaj e k’i ri winaq e’ajpache’ taqom loq kichapik e chapom b’i pa 2024 ri’”, xcha’.

Eri Administrador rech ri DEA, xuya uq’ij ri upatan ri wokom k’amal b’e amaq’ rech Iximulew, rumal xunab’ejsaj rib’ pa le juch’un wujil rech ri artículo 54, rech qatoj tzij rech uq’atexik ri uk’u’x b’anob’al awan kunb’al ri’. Xuquje’ pa ub’i’ ri k’amal b’e amaq’ Trump, xub’ij che kumaltyoxij chech ri k’amal b’e amaq’ Arévalo rumal ri tob’anik xub’an pa le ukojik ri taqanem tzij xuquje’ rumal ri kaq’atexik ri narcotráfico ri’. “Kaqachajij ri qak’ulb’a’til uj, xuquje’ keq’aterne’j kaq’atexik ri narcotraficantes ruk’ juntir ri kakib’an ri k’ax chi ke ri qatinamit winaqilal”, xcha’.

“Eri uq’atexik ri narcotráfico ri’ are jun chi ke runimal qachak qas qanab’ejsam ub’anik ri’. Eri kichapik ri nik’aj narcotraficantes ri’ ri taqom loq kichapik, ri uriqik taq ri cocaína xuquje’ ri utulisaxik uwach taq ri awam kiqajib’al xik’ach’ich’ pa taq ri tinamit, are wa’ kuq’alajisaj uwach taq ri nim tob’anem ruk’ Iximulew ri’ pa le uq’atexik taq ri awan kunb’al pa uwi nimapalow, pa kaqiq’ cho ri kaj xuquje’ pa rulewal taq tinamit, jeri’ pa taq ri nimab’e ri kib’e rech k’a pa Colombia xuquje’ pa Venezuela ri’”, xcha’ le Administrador rech ri agencia antidrogas, Cole ri’.