Eri Wokajil Ajchajin Tinamit (PNC) tajin che ub’anik puqtzukunem rech chajinem winaqilal xuquje’ rech puqchajinem rech uq’atexik k’ax pa rulewal taq tinamit rech Jalapa, Petén, El Progreso, Quiché xuquje’ Sacatepéquez ri’, are uwach ri b’anoj chajinem winaqilal katajin ri’, rech ya’ik uchuq’ab’ ri chajinem kumal ri e’ajchajin tinamit ri’ xuquje’ rech uq’atexik b’anoj k’ax ri’ pa taq le nimab’ij rech k’isb’al junab’.
Pa rulewal tinamti rech El Progreso ri’, chi la’ xb’antaj wi kowonem xechapik e 135 chi winaqilal, jeri’ xesolixik e 28 chi kejach’ich’ xuquje’ ruk’ 35 chi b’insal ch’ich’ ri’, rech xtaqixik rilik ri kiwujilal xuquje’ rech uq’atexik k’ax ri’. Pa Jalapa xilotaj wi kiwujilal e 82 chi winaqilal ri’, xesolix e 40 chi ch’ich’ xuquje’ 30 chi kejach’ich’, k’o 105 k’o pa saqil ri kiwujilal xuquje’ k’o lajuj tojob’al xkoj rumal ri Departamento rech Tránsito ri’.
E pa Quiché, Sacatepéquez xuquje’ Petén, eri ajchajin tinamit xkib’an puqchajinem pa taq rachoch k’ayib’al, pa taq nim k’ayib’alil xuquje’ pa taq nimab’e ri’, xkiya uchuq’ab’ ri chajinem che ri qas xek’oji wi ri winaqil ri’. Eri b’anoj chajinem ri’ are la’ xumaj ri usolixik ri karumumik e’ajb’insal ch’ich’ ri’ xuquje’ xb’an rilik jachinaq katijom tzam ri’, rech kaq’atexik ri katijom tzam ri’.
Ruk’ ri b’anoj chajinem ri’, eri Wokom K’amal B’e Amaq’, pa uchakunik ri Ministerio rech Gobernación (MINGOB), are utaqim uq’atexik riqom k’ax kumal taq ri ch’ich’ pa taq ri nimab’e, rech pa kakub’isax kachajixik ri winaqilal che ri kewa’kat pa taq nimab’e xuquje’ rech qastzij b’a’ kab’an ri chajinem chi ke ri winaqil pa tinamit.