Eri Wokajil Ajchajin Tinamit (PNC) xkichap e lajuj chi winaqib’, pa uterne’xik ri kiwujilal chi ri taq ri toq’inik pwaq xuquje’ chi rij ri xib’ib’anem xkib’an chi ke ri ajk’ayinelab’ rech ri jalajoj taq k’olib’alil pa rulewal nimatinamit Iximulew, pa Xe’laju’, pa Retalhuleu, pa Jalapa xuquje’ pa Escuintla ri’.
Eri tzukunelab’ rech ri Nimajachakub’al rech Ajq’atenel taq Pandillas (DIPANDA) ri’ kuk’ nik’aj jachakub’al rajawaxik rech ri PNC kuk’ ri q’atol tzij rech ri MP xetatb’enik pa taq ri puqtzukunem chajinik ri’ rech xb’antaj kowonem xechap loq a Edy “N” 25 ujunab’, al Rosa “N” 45 ujunab’, al Débora “N” 26 ujunab’, a Jairo “N” 26 ujunab’, al Susan “N” 45 ujunab’, a Gervin “N” ri’, al Kimberly “N” 29 ujunab’, al Brenda “N” 47 ujunab’, a Marvin “N” 24 ujunab’, xuquje’ al Rosalinda “N” 37 ujunab’ ri’, e’are kab’ixik eri kimak are b’anoj toq’inik pwaq xuquje’ xaq katajin toq’inik pwaq kumal, rumal ri’ sib’alaj tajin taqom kachapik rumal taq ri q’atb’al tzij e k’o chikij ri’.
Eri PNC, xkib’ij eri kachapik ri’ are la’ xb’antaj kowonem rumal xeterne’x rumal taq ri tzukno’jchak ri’ rumal xkib’an xib’ib’anem chi ke e’ajk’ayinelab’ ri’ kumal nik’aj xechap loq e’are k’ut sib’alaj xkitoq’ij apan pa ch’aweb’al rech katoj ri pwaq chi ke pa pwaqb’al ja k’olme’r ri’. Rumal ri’ eri q’atb’al trzij xkib’ij che ruk’ kichapik e 40 chik ajtoq’inel pwaq e chapom pa le nab’e panik’aj ik’ rech pa junab’ ri’.
Eri q’atb’al tzij xkib’ij che ri puqtzukunem ri’ are uwach ri puqtzukunik katajinik rech keq’atexik ri ajtoq’inel pwaq xuquje’ sib’alaj xub’ij che ri uchak ri’ are rech kakiterne’j kachapik nik’aj molaj b’anol k’ax ri’ xuquje’ rech ub’anik ri ya’olchajinem winaqilal pa saqilal pa rulewal amaq’ tinamit.