E k’o keb’ kamisanelab’ rech ri pandilla Barrio 18 xechapataj kumal reqa’lenelab’ ri Comisaría 15 rech ri Wokajil Ajchajin Tinamit ub’i’ (PNC), are chi’ xk’is koqataxik pa le kilómetro 22 rech ri nimab’e kab’e pa Amatitlán ri’. E’are ri’ a Henry N., 21 ujunab’, ukojomb’i’aj “Liro Happy” ri’, xuquje’ ruk’ jun ala 17 ujunab’, ukojomb’i’aj “El Taz”, e’are kab’ixik xkik’aq jun winaq pa le zona 1 rech San Miguel Petapa, Iximulew.
Are chi’ xechapik, eri nik’aj winaq ri’ xriqitaj jun k’aqb’al q’aq’ kuk’ are kab’ixik xkoj pa jun k’aqanem ri’. Xuquje’ xriqitaj jun kejach’ich’ kuk’ ruk’ ri placas M 679FLK, ri are xkikojo are chi’ xkaj xekanimajik ti xb’antaj ri jun k’aqanik kumal ri’.
Rumal pa aninaqil xkib’an le rilik le ajchajin tinamit ri’ xb’antaj kowonem xeriqitaj nik’aj pandilleros terroristas rech te k’u ri’ xkik’am b’i pa taq ri q’atb’al tzij ri’, chi la’ k’ur kaq’at wi tzij chi kij rumal ri k’ax xkib’ano. Rumal ri’ ya’tal apan el 110 rech PNC, wexa’ k’o jun tane’ winaq kuya loq kitzijol.