K’o nim upatan ri puqtzukunem, ri q’atexik k’ax ruk’ ri tzukno’jchak b’anom kumal ri Wokajil Ajchajin tinamit (PNC) pa le 19 k’a pa le 25 rech enero b’anom ri’, ruk’ ri kachapatajik ri 950 chi winaqilal e chapom ri’. Sib’alaj k’o nim upatan ri’ xub’an ri kachapik e 26 chi uwinaqil ri pandilleros ri’ rech ri Barrio 18 xuquje’ rech ri mara Salvatrucha, xuquje’ ruk’ taq 92 chi k’aqb’al q’aq’ e riqom ri’.
Pa ri tzukunem ri’ e riqom chik 511 ch kejach’ich’ xuquje’ ruk’ 31 chi kejach’ich’ ri’, ronojelil ri’ rumal man k’ot ri placas keqam tane’ xuquje’ man k’ot kiwujilal. Jacha ri utzijol xuya ri PNC, kub’ij chi e k’o 164 chi b’insam ch’ich’ xeriqik rumal kab’ixik ya’om kitzijol e eleq’am b’i.
Eri riqom ri’ are la’ uwach ri puqtzukunem b’anom pa le uq’ijol ri Korlim Ya’olchajinem, rech utaqixik ya’ik uchuq’ab’ ri chajinem winaqilal, rech uq’atexik b’anoj k’ax xuquje’ pa unimaxik ri taqanik tzij. Eri Wokajil Ajchajin Tinamit sib’alaj xeb’usik’ij ub’ixik chi ke ri winaqilal pa tinamit rech pa awalik chetob’an b’a’ che ub’ixik loq, chi paq’ij chi chaq’ab’ pa taq le ch’aweb’al b’ixik loq pa le 110 kuk’ ri PNC xuquje’ pa le 1561 kuk’ Crime Stoppers, rumal k’ut k’o nim upatan ri chajinem kumal e’ajchajin tinamit ri’ pa b’anik utzilem kato’ik ri winaqilal pa tinamit.