Eri xriqitajik k’o job’ nimalaj eqa’n rech cocaína pa jun puqtzukunem ri’ rech are la’ jun nimalaj uq’atexik xb’an chi ke ri nik’aj molaj b’anol k’ax ri’ k’a pa kab’lajuj junab’ chik, jacha ri kaq’alajin pa nuk’ulem tzijol kumal q’atb’al tzij rech ri chomlaj awan pwaq jastaq riqom pa amaq’ tinamit ri’.
Pa jun puqtzukunem che ri xmajtaj ub’anik pa k’isb’al wuqq’ij kanoq pa rachoch ri Pueto Quetzal ri’, eri reqa’lenelab’ ri antinarcóticos rech ri Wokajil Ajchajin Tinamit (PNC), pa kemonchak ri’ k’a pa le Quinto Viceministerio rech ri Ministerio rech Gobernación, xkiriq k’ut pa ronojel wuqub’ chi kaxonach’ich’ chi upam k’ut xkiriq loq 4,927 kilos (4.9 toneladas) rech cocaína kab’ixik, eri rajil are k’ut Q 669 millones 579 mil 300 chi pwaqilal ri’.
Are wari’ jun nimalaj kaq’atexik xb’anik nik’aj molaj b’anol k’ax ri e’ajk’ayin awan kunb’al pa le jun ub’anob’alil wari’. Te k’uri’ chik xriqitajik ri 4,389 chi pajb’al rech ri cocaína le xriqitaj ri’ pa 19 rech noviembre rech 2024 xuquje’ xriqitaj 4,378 chi upajb’alil ri’ pa le 15 rech diciembre rech 2018.
Ruk’ ri xriqitaj rumal ri Ministerio rech Gobernación, k’amatil ub’e rumal le ministro Marco Antonio Villeda, ri sib’alaj xub’ij che ri uchakunik are ri chajinem winaqilal, pa saqilal xuquje’ rech uq’atexik kuwach ri nik’aj molaj b’anol k’ax kuk’ ri e’ajxib’ib’anem kamisan winaq.