E k’ilaj e’ajkejach’ich’ kek’oji pa le wuqub’ q’ij rech febrero pa le edición 65ª rech ri Caravana del Zorro, jun nim b’enam chi rij kejach’ich’ pa uq’ijol le Cristo Negro rech Esquipulas ri’. Eri nimalaj puqil ri’ are keb’e pa sábado 7 rech febrero pa le Nim Uwach ri Uk’u’x Amaq’ Tinamit, zona 1 rech ri nimatinamit, rech kakib’inib’ej wi 222 kilómetros, rech ke’opan k’a pa le Basílica rech Esquipulas, Chiquimula ri’.
Rumal e k’ilaj e’ajkejach’ich’ e’ajb’enal ri’ k’o ri cholchajinem kab’an pa nim b’enam ri’ “Eri kojob’al katrachi’laj pa b’e, eri q’atenik k’ax katuto’o” pa le b’enam ri’ kab’an wi ya’olchajinem kumal reqa’lenel ri Departamento rech Tránsito xuquje’ ri unidades especialistas rech ri Wokajil Ajchajin Tinamit (PNC), pa le raqan nimab’e ri’. Xuquje’ kab’an wi ri kemon chajinem kumal ri rajchaiinel taq uq’ab’ tinamit che ri kaq’ax wi ri nim e’ajcholb’enal ri’. Eri chajinem ri’ are la’ kab’an k’a pa le waqxaqlajuj kajb’al rech ri q’ij timinku’ 8 rech refrero ri’.
Eri b’anom chajinem ri’ kek’oji wi 32 chi uk’olib’alil chajinem solinik pa nimab’e pa taq ri k’olib’alil rech le rutas CA-9 Norte, CA-10 xuquje’ RD-CHI-01, qas chi la’ k’ut pa Sanarate, Guastatoya, xuquje’ pa San Cristóbal Acasaguastlán, El Progreso; Teculután, Río Hondo, xuquje’ pa le Estanzuela, Zacapa; pa Chiquimula, Quetzaltepeque, xuquje’ pa Esquipulas, Chiquimula ri’.
Pa le ilonem b’ixik rumal ri’ rajtaqanel ri Departamento rech Tránsito, ri comisario general rech PNC Carlos Fuentes, sib’alaj xub’ij chi k’o nim upatanib’al rech kakojik ri k’olib’alil uterne’xik chajinem pa taqawokajil xuquje’ rech uq’atexik taq ri k’ax rumal ri’ pa junamamil kab’an ri ya’olchajinem, ri chajinem pa nimab’e, ri k’utb’e pa le q’ijol ri’ xuquje’ ri b’anoj chajinem tob’anik pa le kib’e ri e’ajb’enal rech pa kub’al k’u’x keb’e chi la’ k’ut. Xuquje’ xb’an jun nim kasik’ixik ub’ixik chi ke ri e’ajkejach’ich’ rech kakinimaj ri retal taq k’utb’e, rech kakikoj ri jastaq rech tob’al kib’ are chi’ kib’insam ri kejach’ich’ are chi’ e’ b’enaq nimalaj konojel ri’.
Eri wokajil ajchajin tinamit sib’alaj kakilo we keqam kiwujilal ri kikejach’ich’ e b’enaq, rech man kakititz’o taj eqam chi rij ri kikejach’ich’, rech man kakirumumij ta kib’ pa nimab’e, rech man k’ot tzam kakitijo pa le kib’enam, rech kakikojo ri jastaq rech kakito’o kib’, xuquje’ rech kakinimaj ri taqanem rech k’utb’e pa le q’ij ri’. Xuquje’ kakib’an le rilik kitzijol ri winaqil we taqom ta kachapik xuquje’ rech kakilo we man keqam taq jastaq ri maj pa usaqilal keqam.
Pa taq le k’olib’em chajim kub’al k’u’x keto wiri’ ri e’ajb’enal we k’o rajawaxik chi ke. Xuquje’ kab’an ri kab’ixik chi ke ri e’ajkejach’ich’ chi k’o nim upatanib’al utz ub’insaxik ri kikejach’ich’ ri’ xuquje’ rech kakib’an kuwenta pa taq le nimab’e ri keq’ax wiri’. Wexa’ k’o rajawaxik k’o ri kakiya loq utzijol pa aninaqil, chakib’ij b’a’ loq pa le 1599 rech ri DT xuquje’ pa le 110 kuk’ ri PNC ri’.
Pa taq ri chajinem ri’ kab’an chajinem tob’anik pa kemonchak ruk’ ri Viceministerio rech Cultura rech ri Ministerio rech Cultura xuquje’ Deportes (MCD) ri’, ruk’ ri Dirección General rech Protección xuquje’ Seguridad Vial (PROVIAL) ri’, kuk’ ri policías municipales rech tránsito rech cada sector ri’, ruk’ ri Coordinadora Nacional rech ri Uq’atexik ri K’axk’onem (CONRED) ri’, kuk’ ri Bomberos Voluntarios, kuk’ ri Bomberos Municipales, kuk’ ri Bomberos Municipales Departamentales, xuquje’ ruk’ ri Cruz Roja Guatemalteca ri’.