Pa releb’al nimakaqiq’ che we amaq tinamit ri’ pawe wuqq’ij ri’ xb’an jun puqtzukunem kumal ri taqawokajil rech pa kaq’atexik ri narcotráfico ri’. Chi la’ eri reqa’lenelab’ le Subdirección General rech Análisis rech Información Antinarcótica (SGAIA) ri’ uq’ab’il ri Wokajil Ajchajin Tinamit (PNC) kuk’ ri reqa’lenel ri Wokajil Ajchajin Amaq’ Iximulew che kaqan xkib’an puqtzukunem chajinik pa le releb’al nimakaqiq’ chech ri nimatinamit, chi la’ k’ut xkichap wi loq nik’aj e’ajb’anol k’ax, k’o choma k’aqb’al q’aq’ xkiriq loq, xuquje’ chi la’ xkiporoj wi jun nimaperaj tiko’n rech awan kunb’al ri’.
Eri nik’aj winaq xechapik e’are wari’: a Francisco N, 28 ujunab’; a Nahum N, 26 ujunab’; a Esaú N, 28 ujunab’; xuquje’ ri jun mexicano ub’i’ Dacelis N, 35 ujunab’, e’are kab’ixik xek’am b’i pa q’atb’al tzij chi rij ri puq k’aqb’al q’aq’ xriqitaj kuk’, ruk’ ri raqarik taq k’aqb’alil, ri poq’sab’al xuquje’ ri awan jastaq kunb’al xriq kuk’.
Pa le puqtzukunem ri’, xriq loq wuqub’ chi k’aqb’al q’aq’, jun k’aqb’al q’aq’, jun kupkik k’aqb’al q’aq’, ruk’ 58 chi b’ilob’al ri’, xuquje’ ruk’ ub’aq’ k’aqb’al q’aq’ ri jalajoj uwach taq, jeri’ ruk’ keb’ nimapoq’sab’al RPG7 ri’, waqib’ ub’aq’ k’aqb’al rech antitanques, jun nimapoq’sab’al, lajuj chi ch’aweb’alil q’axel tzij, ruk’ keb’ jek’ib’al ilob’al, xuquje’ ruk’ oxib’ chi chalecos antibalas ri’.
Eri wokajil ajchajin tinamit rech ri Wokom Taqa’amaq’ xuquje’ xkiporoj 430,016 raqan ichaj tiko’n rech marihuana ri nimarinaq chik ri k’o chik ukotz’i’j, ri xqaj ri q’atb’al tzij chi rij ri’. Eri tiko’nib’al rech awan kunb’al ri’ xporoxik, eri rajil are
Q161,256,000 chi nimapwaqil ri’. Xuquje’, xriq loq julajuj chi pisom xuquje’ job’ b’orxa k’olib’al rech chiyim ruk’ marihuana ri’, jeri’ ruk’ nik’aj chik awan kunb’al.
Eri nima’q taq uq’atexik ri narcotráfico b’anom are kuq’alajisaj ri nimachak tajin kumal ri wokajil ajchajin amaq’ tinamit pa le uq’ijol ri korlim ya’olchajinem ri xtaq ub’anik rumal ri K’amal B’e Amaq’ Iximulew, rech qatzij b’a’ rech kaq’atexik ri xib’ib’anem b’anoj k’ax jacha kab’an pa taq ri nimatinamit pa uwachulew ri’, rech kaq’atexik nik’aj molaj b’anol k’ax xuquje’ rech kab’an ri kowilaj chajinem pa rulewal amaq’ tinamit aj iximulew.