Eri jachakub’al ajeqa’lenem tzukunik xuquje’ ri Departamento rech Tránsito ri’ uq’ab’il ri Wokajil Ajchajin Tinamit (PNC) pa amaq’el kakib’an ri puqtzukunem pa jalajoj taq ri k’olib’alil chi la’ pa releb’al q’ij chech ri amaq’ tinamit, rumal uq’ijol ri 65 ub’anob’alil ri Caravana del Zorro ri’. Sib’alaj e k’ilaj taq chi e’ajkejach’ich’ ri xeb’e pa le Nimrachoch ri Señor rech Esquipulas, pa le rulewal ri tinamit rech Chiquimula ri’.
Xkimaj b’i kelik pa b’enam ri’ chi uwach le Palacio Nacionalk rech ri Uk’u’x Amaq’ rech xeb’e pa releb’al q’ij chech ri amaq’ tinamit ri’. Xkinab’ejsaj kib’ chi kiwach ri élite motorizada rech ri (DT) Lobos Grill rech ri PNC, kuk’ ri rqa’lenel ri Policía Municipal rech Tránsito (PMT) xuquje’ Bomberos Voluntarios, kachi’l ri xuquje’ kechajin chi ke ri e’ajkejach’ich’ pa le ub’insaxik kib’ pa le 222 kilómetros ri’.
Rumal che e k’ilaj ri e’ajb’enal ri’, eri q’atb’al tzij xkikoj k’ut 32 chi k’olib’al chajinem pa taq ri nimab’e ri’ pa raqanil ri nimab’e rutas CA-9 Norte, CA-10 xuqujje’ RD-CHI-01, pa uq’ab’ taq tinamit rech ri rulewal taq ri tinamit rech El Progreso, Zacapa xuquje’ Chiquimula ri’. Pa taq ri k’olib’al chajinem ri’ kesolix ri e’ajkejach’ich’ we keqam ri kiwujilal pa ucholajil, rech keto’ik wiri’, rech kilik we kakinimaj pa retalil keb’e chi rij taq ri kikejach’cih’ xuquje’ rech katijom ta tzam e b’enaq pa le b’enam ri’.
Eri uwach taq ri ub’anikil ri chajinem ri’, are taqim rilik we man k’ot jun reqam b’i awan jastaq ri’ xuquje’ rech kilik we k’o jun taqom uchapik ri’. Pa taq ri keqa’x wi b’i, k’o tob’anem chi ke pa taq ri nimab’e xuquje’ rech kab’ix chi ke che pa suk’ilal kakib’insaj ri kikejch’ich’ rech ma jun kuriq k’ax pa taq ri nimab’e.
Eri q’atb’al tzij xkib’ij che k’o ri 110 rech ri PNC xuquje’ ri 1599 rech ri DT ri’ rech chi la’ k’ut kakiya wi loq ub’ixik pa aninaqil wexa’ k’o ri k’ax kakilo kab’an chi ke. Eri puqtzukunem are kab’an pa kemonchak kumal ri taqawokajilal pa kemonb’al ruk’ ri Ministerio rech Cultura xuquje’ Deportes, ruk’ PROVIAL, ruk’ CONRED, kuk’ ri bomberos xuquje’ ri Cruz Roja Guatemalteca ri’.