Eri ministro rech Gobernación, Marco Antonio Villeda, xub’an b’enam rech xusolij ri chak tajin pa rulewal ri tinamit Chimaltenango ri’, rech xe’usolij ri Wokajil Ajchajin Tinamit (PNC) pa taq ri kik’olib’al keriqitaj wiri’ pa le b’anoj chajinem pa rulewal taq tinamit.
Pa le ub’ik pa le solinem, eri taqawokajnel rech ri ya’olchajinem pa Amaq’ xq’ax che solinik pa taq ri comisarías xuquje’ pa taq ri subestaciones rech chajin tinamit, chi la’ k’ut xusolij wi ri ub’anik ri yakon taq ja. Eri rilik retaxik ri’ are kub’an jun ch’ob’oj soliwachinem chi rij rech kilik we rajawaxik kak’exik ri’, rech k’o ri kek’exik, rech kataqixik ub’anik ri chajinem pa tinamit xuquje’ rech kab’an le rilik we e’utz kiwach ri reqa’lenel chajin tinamit ri’.
Eri ministro Villeda sib’alaj xub’ij: “Eri chajinem ri’ are la’ jun uwach chomanem kab’an pa taq le ch’ob’olil xuquje’ kumal taq ri partidos políticos”. Sib’alaj xub’ij che ri Amaq’ ri’ toq’italik che ri kachajixik konojel taq ri uwinaqilal amaq’ tinamit.
Eri q’atb’al tzij xkib’an jun solinem pa le Comisaría 73 rech Chimaltenango, chi la’ k’ut xiketaj ri puqtzukunem rech xkib’an le rikik upam taq le nimaja rech warib’alil. Pa le wa’kateb’al xkib’an chi la’ are jun xb’e chi’ ri diputado Pablo Cifuentes, ri xichb’ilan pa le b’anoj solinem xb’an pa jun yakonem ri jun k’ak’ estación policial, rech nimaja kek’oji wi ri PNC xuquje’ rech utz ri kek’oji wi ri e’ajchajin tinamit pa taq le kichakunik.
Pa le usolixik ri’, xterne’x le rilik ri Subestación 73-41, k’o pa San Martín Jilotepeque, chi la’ k’ut xusolix wi ri rachoch ri jun k’olib’al rech puqtzukunem kumal ajchajin tinamit. Jeri’ chi la’ xusolix wi ri ri subestaciones 73-4-2 rech San Juan Comalap xuquje’ ri 73-31 rech Tecpán, uwach ri cholchak rech ya’ik uchuq’ab’ xek’ejeb’ ri e’ajchajin tinamit chi pa taq ri uq’ab’ taq tinamit rech rulewal ri nim tinamit chi la’ k’ut.
Pa le q’ijol ri’, eri ministro rachi’l ri diputado Pablo Cifuentes, ri ajkalte rech Tecpán xuquje’ rajchomanelab’ ri Q’atb’al Tzij rech San Martín Jilotepe, ri junamil ub’ixik xkib’ij chi k’o nim upatanib’al rech kab’an k’ak’ che ri yakon rachoch taq ri chajin tinamit winaqil ri’.
Ruk’ wari’, eri Ministro rech Gobernación, sib’alaj xub’ij che kuterne’j ub’anik ri kemonchak ri’ kuk’ ri taqawokajil, rech uya’ik uchuq’ab’ ri kemonchak xuquje’ kub’an ri chakunem ri’ rech ub’anik tob’anem xuquje’ ri chajinem pa rulewal taq ri amaq’ tinamit.