Eri Wokajil Ajchajin Tinamit (PNC) sib’alaj xepuqtzukunik pa k’isb’al wuqq’ij ri’ xkib’an ri chajinem rech k’utb’e pa taq ri okib’al xuquje’ ri elib’al rech Le Antigua Guaremala rech pa uq’atexik ri b’anoj awan opanriqonem chi rij taq ri kejach’ich’ pa nimab’e.
Pa le puqtzukunem ri’, ri xumaj oxib’ kajb’al ri’, eri eqa’lenelab’ xkikoj 50 chi tojob’al rumal k’o k’ilaj taq ri kimak ri’, rumal sib’alaj xkirumumij kib’, rumal reqam ta kiwujilal xuquje’ rumal ok’owinaq chik uq’ij taq.
Xuquje’, e k’o waqxaqib’ chi kejach’ich’ maj ri plaka xuquje’ kiwujilal keqam taj. Pa ronojel ri’, xb’an rilik kiwujilal e 500 chi kejach’ich’ pa taq ri k’olib’alil chajinem.
Eri q’atb’al tzij sib’alaj xkib’ij che ri b’anoj q’atenem ri’ are rech kaq’atexik ri riqon k’ax kumalri kejach’ich’ xuquje’ rech utob’ik uwach kik’aslemalil ri winaqil pa taq ri nimab’e ri’, pa taq ri k’olib’aliul che ri kab’an wi pa awalik etz’anem opanriqonem ri’ ri kupetisaj k’ax pa kib’e ri winaq keb’inik xuquje’ ri e’ajb’insal taq ch’ich’ ri’.
Eri b’anoj chajinem q’atenik ri’ are tajin xumaj uchuq’ab’il ri’ are chi’ xk’ulmataj ri riqon k’ax pa nimab’e ri’ pa domingo kanoq 8 rech febrero pa le nimab’e Interamericana, pa juyub’alil rech Sumpango, Sacateopéquez, chi la’ k’ut che ri ajkejach’ich’ xchararij rib’ che ri e k’o ri e k’ilaj taq winaq ri’ chi uxe’ ri jun pasarela, ri xkam wi ri alaj ala k’ate 8 ujunab’ ri xkam are chi’ xopan pa le Hospital Nacional rech Chimaltenang0 xuquje’ ruk’ keb’ winaq xesakataj chi la’ k’ut. Eri jun kejach’ich’ ri xub’an ri k’ax sakanik ri’, maj ri placa reqam, ri xchap b’i, xuquje’ ri xel kanoq pa uq’ab’ ri Ministerio Público rech katzukux juntir ri utzijol ri’, rech kachap ri ajmak winaq chi rij.
Eri PNC sib’alaj xub’ij che kuterne’j ub’anik ri puqtzukunem pa taq ri nimab’e rech pa amaq’ tinamit rech kuya uchuq’ab’ ri chajinem pa taq nimab’e xuquje’ rech uq’atij uwach taq ri b’anoj taq etz’anem rech opanriqonem ri’ pa awalik.