Eri wokajil ajchajin tinamit rech ri Amaq’ Iximulew ri’ keriqitaj pa nim chajinik rumal taq ri b’anoj k’ax xkik’ulmataj paq’ij domingo 22 rech febrero pa México ri’. K’a xya’taj utzijiol che xb’antaj ri k’aqanik kumal nik’aj b’anol k’ax rech ri narcotráfico pa rulewal mexicano ri’, sib’alaj xetaq ri wokajil chajin tinamit (PNC) pa taq le k’ulb’a’t k’o chi kuxo’l ri keb’ taq nimaq’ib’ nimatinamit ri’, rech xtaq ub’anik ri nim chajinem puqtzukunik kuk’ ri Wokajil Chajin Amaq’ rech Iximulew ri’.
Are k’o jun upatanib’al ri’ eri wokajil chajin tinamit kuk’ ri e’ajchajin taq amaq’ sib’alaj ketajin che ri b’anoj ri chajinem pa k’ulb’a’t juyub’ chi uxo’l ri Iximulew ruk’ México ri’, k’a xmajtaj ri b’anoj k’ax kaq’anik kumal nik’aj e’ajb’anol k’ax pa k’a ik’ diciembre rech ri 202 ri’. Rumal k’u ri’ eri puqtzukunem pa kemonil sib’alaj katajin ub’anik pa k’ulb’a’t juyub’ ri’ rech ya’ik uchuq’ab’ ri kaq’atexik ri nik’aj molaj e’ajb’anol k’ax pa keb’ taq nimatinamit amaq’ib’ ri’, rumal k’ut eri nik’aj b’anol k’ax ri’ e rech ri molajil rech k’ayin awan kunb’al ri’.
Are wa’ ri kemonchak tajin kumal ri Ministerio rech Gobernación (MINGOB) ruk’ ri Defensa Nacional (MDN) ri’ pa kemonil ketajin che ri puqtzukunem chi la’ k’ut rech uq’atexik taq ri k’ax k’ayewal katajin pa kulewal taq ri keb’ amaqib’ ri’ wexa’ k’o ri k’ax kak’ulmataj pa rulewal ri nimatinamit aj iximulew ri’. We chanim, sib’alaj tajin ub’anik ri chajinem kumal ri kemon taqawokajil e’ajchajin Amaq’ Tinamit ri’ xuquje’ rech kechajin chi ke ri winaqilal che ri keriqitajik pa le k’ulb’a’ juyub’ chi uxo’l ri keb’ taq amaq’ib’ nimatinamit ri’.