Eri b’anoj kitaqik ri’ reqa’lenelab’ ri Wokajil Ajchajin Tinamit (PNC) pa le Nim Sutinem Teleb’al Rachib’al le Jesús Nazarenos rech ri Consuelo rech ri Tyoxlaj Ja, rech La Recolecció ri’, kukub’isaj ri kachajixik ri winaqilal rech ri kakitelej tyox ri’, ri e’ajsutuninem tyox kuk’ ri winaqilal ri kek’oji che rilik are chi’ kaq’ax le nazareno ri’ pa taq k’olib’em pa Uk’u’x Nimatinamit ri’.
Eri wokajil e’ajchajin pa tinamit ri’ kakib’an ri puqtzukunem chajinik xuquje’ ri chajinem pa taq ri sutunimem tyox pa tinamit, jero’ chi rij taq xuquje’ pa le sib’alaj kakiriq wi kib’ ri winaqilal ri kaq’ax ri tyoxlaj rachib’al ri K’ajolaxel. Xuquje’ sib’alaj e k’ilaj e’ajchajinelab’ xetaq chinaqaj taq ri Tyoxlaj Ja xuquje’ pa taq ri k’olib’em winaqilal rech pa aninaqil kakiq’atij wexa’ k’o ri k’ax kak’ulmatajik ri’.
Eri rajtzijolinel e’ajsutinel rachib’al ri K’ajolaxel, a Jorge Rodriguez, xub’ij che pa ronojel kaq’ax wi ri’ nimasutinem rachib’al K’ajolaxel ri’ sib’alaj chajin kumal ri wokajil e’ajchajin tinamit ri’. Sib’alaj xub’ij che ri b’ixik tzijob’enik kumal ri q’atb’al tzij rech ri Ajtaqon ri Ya’olchajinem pa Amaq’ are sib’alaj utz ub’anik, are chi’ kamajtaj b’i jeri’ pa le uq’axib’al ri nima sutinem tyox ri’ pa una’texik le 70 junab’ chik tyoxrisam uwach rachib’al le Jesús Nazaren del Consuelo ri’.
Eri Rodríguez ri’ xuquje’ xeb’usik’ij ri winaqilal pa tinamit rech xkib’ij chi ke, wexa’ rajawaxik keto’ik pa le nimasutinem tyox, chakib’ij b’a’ chi ke ri e’ajchajinelab’ keriqitaj panoq. “Eri wokajil ajchajin tinamit pa amaq’el keriqitaj pa le b’anoj telen sutinem tyox ri’ xuquje’ pa le ronojel ri parroquia ri’”, xcha’.
Eri b’anob’al ri’ are uwach ri cholchak “Tradicciones Seguras”, pa jun b’anoj kemonchak pa taqawokajil ri’ kuya nim uchuq’abil ri b’anoj chajinem pa ri tyoxlaj sutinem pa tinamit kumal ri hermandades rech na’tib’al ukamikal ri k’ajolaxel pa Uk’u’x Nimatinamit ri’, pa La Antigua Guatemala ri’ xuquje’ pa nik’aj chik k’olib’alil che ri qas kaq’ax wi ri tyoxlaj sutinem pawe q’ij ri’.
Pa martes 17 rech domingo ri’ k’a pa 22 rech febrero, eri wokajil ajchajin tinamit xuquje’ xkimaj ub’anik ri chajinem pa taq ri tyoxlaj xutinem rachib’al ri Jesús Nazareno rech ri Indulgencia ech ri Beaterio rech Belén; rech ri Jesús Nazareno rech ri Justicia rech ri Templo Nuestra Señora rech los Remedios, El Calvario ri’; rech Jesús Nazareno rech ri Milagros rech ri Santuario Arquidiocesano rech ri Señor San José, ruk’ ri rech nik’aj chik ri’.
Eri winaqil tinamit ri’ ya’tal chi ke rech kakiklo pa le sitito web oficial https://tradicionesseguras.mingob.gob.gt/, ri ya’tal apan rech chi uwachwuj pa kaqiq’ kab’an wi le rilik ri chajinem kumal ri e’ajchajin tinamit pa taq ri jalajoj tyoxlaj sutinem pa le Cuaresma xuquje’ pa le Awas Q’ij 2026 ri’.
Pa le uwachwuj pa kaqiq’ ri’ xuquje’ xkoj jun uwachwuj rilik ri’ ruk’ le 110 rech ri PNC, are rech kakib’ij wi apanoq ri winaqilal wexa’ k’o ri k’ax kakiko kab’anik. Xuquje’ pa le rajilab’al ri WhatsApp 2506-1111, pa le ya’tal wi le rikik pa uwachwuj ri’ ri kaq’ax wi ri tyoxlaj sutinem pa nimatinamit kumal taq ri hermandades rech ri na’tib’al ri tyoxlaj sutinemb’al.