Eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) k’o keb’ tiko’nib’al awan kunb’al eri rajil qaraj k’o Q1,236,725 ri xporoxk. Eri tiko’nib’al xriqitajik pa taq puqtzukunem ri’ are lab’ xb’antaj pa k’isb’al wuqq’ij kanoq pa taq ri k’ache’laj rech taq rulewal tinamit rech Izabal xuquje’ San Marcos ri’.
Eri nab’e tiko’nib’al xriqitajik pa le aldea El Corozo, Livingston, Izabal, chi la’ k’ut eri wokajil ajchajinel e’antinarcóticas rech ri PNC, xkiporoj 25,669 chi raqan ichaj rech coca ri’.
Eri ukab’ tiko’nib’al awan kunb’al xriqitajik, are pa le aldea Aguas Calientes, Sipacapa, San Marcos, chi la’ k’ut xb’antaj wi kowonem xporoxik 1,190 rech raqan ichaj tiko’n rech marihuana, eri rajil are Q595,000 chi pwaqilem ri’.
Pa jun chik puqtzukunem xb’an pa le Democracia, Chinab’jul, chi la’ k’ut xchap ri a José “N”, 46 ujunab’ ri’, are kab’ixik ri xriq jun k’olib’al ruk’ qaraj marihuana ri’. Rumal ri’, eri jun achi ri’ kab’ixik xk’am b’i pa q’atb’al tzij rech kachomaxik chi rij taq ri k’ax xub’an ri’.
Ri wokajil antinarcóticias pa taq ri tzukunem chajinik ri’ are xb’an kachajixik ri winaqilal ri’ che ri keriqitaj pa taq ri k’olib’alil che ri tzukum uwach rech pa le kaq’atexik ri nik’aj molaj b’anol k’ax ri’ kuk’ kakib’an ri k’ax pa taq amaq’ib’ nimatinamit. Xuquje’ xkib’an ri qupinik rech xkiporoj ri awan kunb’al chi la’ k’ut.