Ruk’ ri uchapik ri a Víctor Manuel Pérez Mazariegos, ukojomb’i’aj “Pantera xuquje’ Cholo Bota”, ri kab’ixik taqom loq uchapik rumal ri nim q’atb’al tzij rech Estados Unidos ri’ rumal are kab’ixik k’o awan kunb’al rech cocaína xuk’ayij b’i chi la’ k’ut, ruk’ ri are e k’o e 12 chi e’ajpache’ e chapom chi b’i kumal reqa’lenelab’ ri Fuerza de Tarea Antinarcótica xkichap chik ri’. Ri are xchap b’i pa le Barrio la Pedrera, zona 1 rech Xe’laju’.
Xa’ taqom loq uchapik ri a Pérez Mazariegos, ri ukojomb’i’aj are a “Hollywod”, ri are kab’ixik taqom loq uchapik: rumal xuk’ayij b’i awan kunb’al rech cocaína, pa le nim amaq’ib’ EE.UU., ri’. Xuquje’ are xuk’ayij b’i job’ chi awan kunb’al pa EE.UU., ri’ kab’ixik xilotajik are ri Cocaína ri’.
Pa le puqtzukunem ri’ eri wokajil ajchajin tinamit e’antinarcóticas xkiriq k’ut jun ch’ich’ ruk’ ri matrícula P-430LPJ, pa le kab’ixik b’enaq ri jun achi ri’ xchapik. We chanim, eri tzukunelab’ rech ri nimawokajil ri’ ketajin che ri katzukuxik ri nik’aj winaqil che ri kachb’ilam ri’.
Pa viernes ri’, xuquje’ xkichap loq nik’aj e’alaxik kib’i’ Carlos Obediel, Ronal Alexis xuquje’ Héctor Rubén Morales Guerra, ri taqom loq kachapik rumal ri q’atb’al tzij estadounidense ri’. Xechap k’ut pa le uq’ab’ tinamit rech Dolores, Petén.
Ruk’ ri kachapik kumal ri q’atb’al tzij, sib’alaj xkikowij ri kaq’atexik ri narcotráfico ri’ kuk’ ri nuk’molaj b’anol k’ax.
Xuquje’ xkiya ub’ixik chi ke ri winaqilal rech chakib’ij b’a’ loq wexa’ k’o ri b’anoj k’ax kakilo kab’anik pa le 110 kuk’ ri PNC, pa le 1577 pa le línea Antinarcótica xuquje’ pa le 1561 Crime Stoppers ri’.