Eri reqa’lenelab’ ri Subdirección General rech Anáslisis rech Información Antinarcótica (SGAIA) rech ri Wokajil Ajchajin Tinamit (PNC) xkichap loq jun achi taqom loq uchapik naj nimatinamit ub’i’ a Audías “Ruk’ ri a Vásquez “N”, 28 ujunab’, are chi’ xb’an jun puqtzukunem pa 26 rech febrero ri’ pa le uq’ab’ tinamit La Blanca, San Marcos.
Eri a Audías “N” are xtaq loq uchapik rumal ri q’atb’al tzij rech Estados Unidos rech América rumal xub’an b’i chi la’ k’ayin awan kunb’al pa narcotráfico ri’. Are chi’ xchapik, xk’am b’i pa q’atb’al tzij rech xnuk’ wujilal chi rij rech pa suk’ilaj kataq b’i chi la’ k’ut xuquje’ rech kamajtaj utoq’axik utaqik chi la’ pa japache’ q’atb’al tzij rech ri nimatinamit EE.UU., ri’.
K’a pa k’isb’al ri’, eri jun achi ri’ kab’ixik kak’oji na pa jun tz’apib’al ja rech ri amaq’ tinamit ri’.
Ruk’ ri uchapik, e k’o jo’lajuj chik chi e’extraditable e chapom chi b’i pa junab’ ri’. Pa konojel ri’ e k’o chik e b’elejeb’ e chapom chik rumal e k’o pa narcotráfico ri’ xuquje’ e waqib’ e chapom rumal k’o nik’aj chik ri kimak ri’.
Eri b’anowem ri’ are kuk’utu ri utzilemal ri chak b’anom kumal ri wokajil ajchajin tinamit ri’rech uq’atexik taq ri nuk’molaj b’anoj k’ax pa uwachulew, xuquje’ are la’ kukub’isaj ri b’anoj chajinem pa rulewal amaq’ tinamit aj iximulew.