Eri Wokajil Ajchajin Tinamit (PNC) pa amaq’el tajin che kataqik ri puq taq ajchajinelab’ pa taq k’olib’alil rech pa Uk’u’x Nimatinamit ri’ rech sib’alaj kechajinik pa taq ri telen taq rachib’al ri Jesús Nazarenos rech ri Utzilemal, rech ri kemontyox rech El Calvario ri’. Eri b’anob’alil ri’ are la’ uwach taq ri puqtzukunem xb’antajik pa le uq’ijol taq ri b’anoj taq tijob’al rech Awas Q’ij xuquje’ rech Tyox Q’ij.
Eri q’atb’al tzij xkib’ij che ri jupuq taq b’anoj chajinem ri’ are katerne’x ub’anik ri’ pa taq le uq’ijolil ri b’anonem rech pa le tyox q’ij ri’ pa ronojel rech ri amaq’ tinamit, jeri’ uwach ri cholchak pa taqawokajil ub’i’ “Tradiciones Seguras”, rech kub’an ri achi’lanik xuquje’ rech ke’uchajij ri tinamit winaqil e’aj iximulew.
Eri ub’anob’alib’alil ri’ are rech kab’an ri ub’insaxik ri chajinem xuquje’ ri puqtzukunik rech uq’alik b’anoj k’ax che kaqan xuquje’ chi rij taq kejach’ich’ pa le naj ub’insaxik ri kaq’ax wi ri rachib’al tyox ri’, rech utaqim ub’anik ri kub’san chajin taq e’ajch’ab’al kuk’ ri winaqil che ri ke’opanik pa taq ri telen rachib’al tyox ri’.
Xuquje’ eri puqtzukunem ri’ are kupatanij ri’ rech ketaq ri puq ajchajinelab’ chi rij taq ri telen rachib’al tyox jeri’ pa taq wokja che ri qas keq’ax wi ri winaq ri’, chi la’ k’ut che ri qas kakimol wi kib’ ri winaqilal ri’. Wa’ chak ri’ are uwach taq ri b’anoj uq’atexik k’ax kab’an pa tinamit winaqilal ri’ xuquje’ rech man jun k’ax kapetisax tane’ pa le nimaq’ij ri’.
Eri q’atb’al tzij sib’alaj xkib’j che ri eqale’n chak ri’ kuk’ ri winaqilal xuquje’ xkisik’ij ub’ixik chi ke ri winaqilal ri’ rech chakila b’a’ ri tzijol ub’ik ri q’atb’al tzij pa le uwachwuj rech ri sitio web’ https://tradicionesseguras.mingob.gob.gt/ xuquje’ pa le uwachwuj pa kaqiq’ kojom pa le WhatsApp pa le rajilab’al ri’ 2506-1111, chi la’ k’ut kab’an wi le ya’ik utzijol pa uq’ijob’alil ri’.