Eri Nim Tzijolinem rech Ministros rech Q’atoj Tzij Suk’umalil rech taq Amaq’ib’ Iberoamericancos (COMJIB) pawe q’ij kamik job’ q’ij rech marzo xkib’an le Ujuk’al Ukaj Nim Riqonem Ib’ pa Panamá ri’. Pa le b’anob’al ri jaqib’al uwach ri’ rech kajuch’ uwach ri Nim Wujilal rech Nuk’chomab’alil rumal ri COMJIB’ ruk’ ri Organización rech ri Cooperación xuquje’ rech esarrollo Económicos (OCDE) ri’. Pa le nima kab’an wi ub’anik ri tob’anem chi rij b’anoj taqanib’alil pa tinamit, ri k’ak’ taqanib’al pa tinamit xuquje’ rech uya’ik uchuq’ab’ ri b’anob’alib’alil ri q’atoj tzij suk’umalil ri’.
Pa riqonem ib’ ri’ are jun xk’oji ri Ministerio rech Gobernación rech Amaq’ Iximulew, Marco Antonio Villeda, ruk’ taq ri ministros xuquje’ ri viceministros rech rulewalil taq ri amaq’ib’, jeri’ ri e’ajchomanelab’ ri jo’lajuj chi molaj taq amaq’ib’. Pa le riqonem ib’ ri’ xuquje’ xb’an wi tzijob’exik ucholajil ri chak b’anom xuquje’ ri ub’ixikil taq ri tob’anem b’anom kumal taq ri amaq’ib’ e’ajpataninel pa le COMJIB.
Eri ministra rech Gobierno rech Panamá, Dinoska Montalvo, ri are jun pa le nim riqonem ib’ ri’, sib’alaj xub’ij che ri riqonem ib’ are utaqim uya’ik uchuq’ab’ ri kemon tob’anik ri q’atoj tzij pa kulewalil taq ri amaq’ib’. Sib’alaj xub’ij che ri ya’tal chi ke ri winaqilal man rech jastaq ucholaj ri’, are b’a’ rech kab’an jun suk’ilaj q’atoj tzij suk’umalil ri ya’talil ri’.
Rumal ri’ eri secretario general rech ri COMJIB, Enrique Gil Botero, sib’alaj xub’ij ri are che ri okem pa q’atb’al tzij man xaq ta chik kach’ob’ik jacha tane’ xaq jun okemal pa q’atb’al tzij. “Are chik kaqatzijoj ri’ che are le b’antajil chi ke winaqilal che are kechb’alil, rech kachomax kuwach xuquje’ rech pa suk’ilal utzilem rajawaxik kechamaxik pa saqilal ri’”, xcha’.
Le Gil Botero xuquje’ kub’ij che ri Convención Iberoamericana rech Acceso pa le Q’atoj Tzij Suk’umalil (CIAJ), ri toq’am upatanexik rumal ri COMJIB, are ri nab’e chakub’alil kumal ri keb’ amaq’ib’ ri kub’an upatan ri’ pa jun ub’anob’alil ri q’atoj tzij ri k’o ub’antajil ruk’ ri suk’ilal tzij rech qas pa le kachomaxik ri winaqilal ri’.
Eri ub’anik le Asamble Plenaria ri’ katerne’x ub’anik pa viernes 6 rech marzo ri’ rech katerne’xik ub’anik ri tijowchuq’ab’ chakunem taqanib’al pa tinamit rech ub’anik taq ri utzilaj suk’umalil, ri k’ak’ ub’anikil taq xuquje’ ri ya’tal pa rulewal taq amaq’ib’ ri’.