Pa le uq’ijol ri uq’atexik ri narcoactividad, eri reqa’lenelab’ ri Wokajil Ajchajin Tinamit rech Iximulew (PNC), xkiriqo xuquje’ xkiporoj chom utiko’nib’al ri marihuana ri nimarinaq chik pa taq ri k’ache’laj rech ri uq’ab’ tinamit rech Las Cruces, Petén ri’.
Pa le puqtzukunem ri’, eri tzukunelab’ e’ajq’atenel poq’san k’ayin awan kunb’al xkiporoj pa ronojel waqchuy jo’q’o’ oxlajk’al kab’lajuj (50,272) raqan chi ichaj tiko’n rech marihuana ri’, ri nimarinaq chik raqan taj xriqitajik ri’, Eri q’atb’al tzij xkib’ij, eri awan kunb’al ri’ eri rajil are (Q25,136,000) chi pwaqil rech amaq’ tinamit ri’, junam ruk’ ri USD 3,222,564.10, chi kaxlanpwaq rech nimalaj tinamit k’o naj, junam ruk’ are la’ jun nimalaj kaq’atexik ri narcotráfico katajin ub’anik pa rulewal amaq’ tinamit ri’.
Eri b’anoj q’ateb’al ri’ arech uwach ri puqtzukunem katajin pa amaq’el che ri tajin ub’aik kumal ri wokajil ajchajin tinamit rech kakitzukuj, kakiriqo xuquje’ rech kakiporoj ri tiko’n awan kunb’al ri’, jeri’ are uwach ri b’anoj uq’atexik ri narcotráfico katajin pa rulewal amaq’ tinamit ri’.