Eri uwach ub’anikil ri b’anik k’ak’ taqanem pa le Taqawokajil Japache’ Tz’apib’al ri’ ruk’ ri kemonchak kab’anik xchomax kuk’ taq ri amaq’ib’ ri’, rumal ri’ le Ministerio rech Gobernación xya’taj jun nim chakub’al tob’anem chi re rumal le embajada rech Turquía pa Iximulew. Are wa’ tob’anem ri’ kaya uchuq’ab’il pa le ub’anik taq ri k’ak’ ya’ik loq ri kemechakub’al ri’ ruk’ ri b’anow puqtzukunem pa le rachoch ri Wokajil Japache’ Tz’apib’al pa amaq’.
Eri k’ak’ kemechakub’al ri xya’taj loq are ri’ jo’lajuj chi kematz’ib’ab’al ruk’ jo’lajuj chi escáneres, are uwach ri’ le nim tob’anik kaya’taj loq pa le b’anow kemon chomanem pa taqawokajil ri’ rech kaya nim uchuq’ab’ ri b’anow puqtzukunem pa rachoch ri Wokajil Japache’ Tz’apib’al, pa le ukojik taq ri k’ak’ kemechakub’al ri’ rech katob’anik pa ub’anik taq utzilem chak pa wokajil japache’ tz’apib’al xuquje’ pa juntir taq.
“Eri Taqawokajil Japache’ Tz’apib’al ri’ are ri’ jun nimachak tajin ub’anik pa le Ministerio rech Gobernación, rumal k’ut man ya’tal taj ri b’anow chajinem winaqilal we man b’it k’o ri chakub’alil ri’ pa taq le rachoch ri wokajil japache’ tz’apib’al. Xuquje’ man kab’an taj ta ri’ kaya uchuq’ab’il ri Ya’talil pa tinamit ri’ wwe man qas ta kab’an uchomaxik kumal ri e’ajtaqon chajinem pa amaq’ tinamit, we man kataq ta ub’anik ri chajinem tzukunik pa rachoch ri japache’ tz’apib’al ri’”, xcha’ le ministro rech Gobernación, Marco Antonio Villeda ri’.
Jeri’ sib’alaj man tzijom ta ub’ixik ri’ we man kachomax ta ub’anik ri ucholajil ub’anik ri k’ak’ taqanem ri’ we man kaya ta uq’ijol ri b’anow chak ri’ ri naj taq junab’ chik q’axenaq ri sachom kanoq ub’anik. Xuquje’ xub’aij che ri wokaj kemechakubal ri sipam loq are la’ kakojik rech kachomax ri rajawaxik ri’, rech kab’an ri utzilalj chakunem pa q’atow chak, ri are la’ tajin ub’anik ucholajil ri utzijolil rech k’ax taj kab’an ri chajinem ri’.
Rumal ri’, eri embajadora rech Turquía, al Beliz Celasin Rende, xub’ij ri’ che ri kemechakub’al xya’taj loq kumal are la’ rech kakowirsax ub’anik ri kemon tob’anik ri utzijob’alil rumal ri Iximulew ruk’ Turqía. Xub’ij k’ut che ri jastaq tob’anik ri’ are xya’taj loq pa reqale’ uchakunik ri Agencia Turca rech Cooperación xuquje’ Coordinación (TIKA), rech taqim ya’el uchu’qab’ ri b’anow puqchakunik ri’ rumal le Taqawokaj rech ri Japache’ Tz’apib’al. Rech kaban ri jun nim rutzilal upatanexik ri’.
Pa le b’anowem ri’ xuquje’ are jun xtatb’enik le viceministro rech Seguridad a Roberto Solórzano ri’, le viceministro Administrativo, a Kelvin Aguilar, le viceministra rech Tecnología al Karen Ortiz ri’, ri k’amal b’e rech ri Sistema Penitenciario, a Jorge López Dalachiessa ri’, le rachomanel le embajada rech Turquía, Mustafá Can xuquje’ le gerente general rech ri compañía Tecnología INTELAF Mustafá Ozseden ri’.