Eri Wokaj Ajchajinelab’ Ajtzukul kech B’anol k’ax (DEIC) rech ri Wokajil Ajchajil Tinamit (PNC), pa tob’anik chi ke ri Q’atb’al Tzij rech ri Crimen Organizado rech ri Ministerio Público (MP), ketajin che b’anoj julajuj chi b’anoj tzukunem, solinik, pa kachoch winaq k’o pa uk’u’x nimatinamit ri’, pa Fraijanes xuquje’ pa Santa Catarina Pinula ri’.
Eri chajinem tzukunik are katajin ri’ rech katzukuxik loq q’alajisab’al kuya uchuq’ab’ ri tzukno’jchak chi rij taq katzukuxik jun molaj b’anol k’ax che kakib’an elaq’ pa kachoch winaq ri’. Xuquje’ rech kechap nik’aj uwinaqil ri jun puq elaq’omab’ ri’.
Tajin kichapik nik’aj b’anol k’ax chi ke ixoqib’
Xuquje’ eri wokajil ajchajil tinamit xkib’an waqib’ chi b’anoj tzukunem pa kachoch winaq k’o pa La Gomera xuquje’ pa Sipacate, Escuintla; pa Villa Nueva xuquje’ pa uk’u’x nimatinamit, rech taqim utzukuxik uwach taq ri b’anoj k’ax k’ax chi ke ri ixoqib’, alitom xuquje’ ak’alab’ ri’.
Rumal ri’ eri q’atb’al Tzij xkib’ij che ri ya’tal b’a’ rech kakib’ij loq pa le 110 rech ri PNC, pa le 1561 rech Crime Stoppers, pa le 1574 rech antiextorsiones, xuquje’ pa le 1577 rech antinarcótica, rech pa aninaqil b’a’ kakib’ij lqo kitzijol e ajb’anol k’ax ri’.