Pa Estrasburgo, Francia, tajin wi ub’anik ri nab’e Comité Directivo rech GLACY-e (Acción Global sobre Ciberdelincuencia Mejorada) pa le xopan wi ri Viceministro rech Tecnología rech ri Comunicaciones rech ri Ministerio rech Gobernación (Mingob) William Cameros, kuk’ nik’aj chik ajapatanel rech ri juk’al lajuj chi amaq’ib’. Pa le riqb’al ib’ are xchomaxik rech kaya uchuq’ab’ Amaq’ib’ taq Nimatinamit rech pa uwachwuj rech kab’an taqik uq’atexik ri k’ax kab’an pa kemuwachwuj pa kaqiq’ xuquje’ ri unawilixik b’anoj k’ax ri’.
Pa le nim riqon ib’, eri amaq’ib’ nimatinamit e k’o pa le GLACY-e xkitzijoj wa’lijsan uwach ronojel ri ch’ob’otal chak ri’ xuquje’ xkiya k’ut utzijob’exik pa ronojel ri tinamit. Are wa’ rilik xkib’ano, xkiriq kib’ pa le jalajoj taq uchomaxik xuquje’ ri ucholajil ri b’anoj¿b’al ri utzalaj b’anoj tob’anik rech uq’atexik ri k’ax ub’i’ cibercrimen pa ronojel uwachulew. Eri nab’e Comité Directivo rech GLACY-e are ri jun nim komonchak ri’ rech ya’ik uchuq’ab’ ri tob’anem kumal ri amaq’ib’ pa uwachulew xuquje’ rech kekowon che uq’atexik ri k’ax kb’an pa kemuwachwuj pa kaqiq’, rech are wa’ kub’an jun nim uq’atexik ri k’ax ub’i’ cibernético rech kakib’an kub’sib’al k’u’x ri amaq’ib’ pa le chomanik ri’.
Pa le nab’e panik’aj junab’ ri’ rech tajin upatan, eri GLACY-e sib’alaj utz ub’anik ri kak’al b’elejlajuj chi chakunik ub’anom. Rumal ri’ eri rajchomanel ri e wajxaqib’ amaq’ib’ nimatinamit sib’alaj ketajin b’a’ pa le b’anoj chak ri’ ruk’ ri GLACY-e xuquje’ ketajin che wa’lijsan ri nim tob’anem kuk’ nik’aj chik amaq’ib’ nimatinamit rech nim rulewalil. E are wa’ ri amaq’ib’ nimatinamit kuk’ nik’aj chik. Jcha ri Ruanda, Panamá, Costa Rica, Colombia, Uruguay, Guatemala, Nigeria, Camerún, Timor-Leste) ketajin b’a’ che utaqik b’ixik rech ri q’atenik ri k’ax ub’i’ cibernético, ketajin b’a’ pa uchomaxik ruk’ ri Convención chi rij ri Delito Cibernético (Convenio rech Budapest).
RI INTERPOL
Xuquje’ nim tob’aninaq rech kuchomaj ub’anik kuk’ ri rajawtzij taqanik rech kanimax ub’anik pa taq ri nimatinamit rech kekowon che uch’ob’ik reta’maxik ri rajwaxik rech katzukuxik kaq’atexik ri k’ax pa kemuwachwuj pa kaqiq’, ruk’ uq’atexik taq ri jastaq ub’i’ criptomonedas. Eri GLACY-e tajin kub’an uchomaxik ri’ ruk’ nik’aj chik cholchakunik rech q’atenik ri k’ax ubi’ cibercrimen pa juntir kulewalil taq nimatinamit. Eri b’anoj chomanik kamik xuquje’ chuwe’q kab’ij ruk’ taq nik’aj chik cholchak tojom ub’anik rumal ri UE xuuje’ kumal ri wokajil e taqom loq rumal ri UE pa América Latina xuquje’ rech pa le Pacífico e are wari’ jun nim k’utuyeb’al rech ri katajin uchomaxik.
Pa le ukab’ panik’aj junab’ rech 2024, eri GLACY-e kutanab’o taj ub’anik ri tob’anem rech kowonib’al ub’anik pa taq ri nimatinamit pa komon ri’. Xuquje’ pa le b’anoj chakuninem pa qatinamit, kachomax ub’anik keb’ nima’q taq riqob’al ib’ pa kulewal ri nimatinamit pa África (rech ri Urox Foro Africano) xuquje’ pa le Pacífico (rech ketijoxik ri K’amal B’e Taqanel rech ri Tribunales Supremos rech ri Islas rech ri Pacífico xuquje’ rech ya’ik tob’anem pa le Reunión Anual rech ri Asociación rech Fiscales Públicos rech ri Pacífico. Islas).