Eri reqa’lenel taq ri comisarías, ri unidades especialidades rech ri Wokajil Ajchajin Tinamit (PNC) xkib’an jun nim kaq’atexik ri winaqil kech’ojinik kaq’atim nimab’e xkib’an ri k’ax ch’ojinem pa zona 1 rech uk’u’x nimatinamit, chi la’ k’ut e k’o nik’aj winaq e’ajch’ujab’ kiminom kib’ chi kuxo’l taq ri winaq chi la’. Eri q’atenem ri’ are la’ xtaq ub’anik rech xe’esaxik ri winaq kech’ojin chi la’ rech xjam kib’e ri winaqilal tinam tinamit.
Pa le b’anoj ch’ojinem ri’ e k’o keb’ ixoqib’ e’ajchajin tinamit xesakik xetach’ chi la’, e’are k’ut pa aninaqil xe’opan le Cuerpo rech Bomberos Voluntarios (CBV), xuquje’ xek’am b’i pa le Hospital rech ri PNC, rech xekunax chi la’ k’ut. Eri wokajin e’ajchajin tinamit ri’ xekowon k’ut che uch’ob’ik kuwach nik’aj xkib’an ri k’ax chi la’ pa tinamit, eri nik’aj winaq ri’ e’are xkitukij ri winaqilb’ rech xkib’an ch’ojinem chi la’ ri k’o q’atb’al tzij chi kij ri’.
Are le tob’chakub’al, le drones, ri qas xkoj pa kaqiq’ chowe kaj rech xterne’x le kilik uch’ob’ik kuwach nik’aj taxistas pritas, ri kikuchum uwach taq ri placas rech ri ch’ich’ kakib’inisaj, ri keqam wi b’i ab’aj ruk’ nik’aj chik jastaq rech xkikoj chi ke ri wokajil e’ajchajin tinamit. Xuquje’ eri nik’aj winaq e b’anol Itzel ch’oj ri’ e’are xkitoq’ij ri winaqil rech xkib’an ri k’ax ch’ojinem chi la’.
Eri ajk’ayinelab’ chi la’ kuk’ nik’aj chik winaqib’ xkib’ij che man kakaj ta ri q’atenik nimab’e b’anom chi la’ kumal nik’aj chik winaq e taxista kab’ixik. Rumal ri’ eri wokajil ajchajin tinamit xkiterne’x kaq’atexik chi la’ ri’, rech xkikub’isaj ub’anik ri ya’olchajinem pa tinamit, rech kanimaxik ri ya’tal utzil pa kik’askemal le winaqil pa tinamit.