Sib’alaj katajin ri puqchajinem rech katzukuxik, rech uriqik ri peraj chi tiko’n awan kunb’al pa taq k’olib’alil pa taq k’ache’laj rech rulewal qatinamit ri’, Xaq xu’ wiri’ pa k’isb’al wuqq’ij kanoq, eri reqa’lenelab’ ri Subdirección General rech ri Análisis rech Información Antinarcótica (SGAIA) rech ri Wokajil Ajchajin Tinammit ub’i’ (PNC) xkiporoj ri’ 30 mil raqan ichaj rech marihuana, eri rajil pa ronojel are kopan pa Q11,597,000.
Eri jun chi ke ri nim puqchajinem xb’an pa Las Cruces, Petén, chi la’ k’ut xb’antaj wi kowonem xriqitajik 28,416 raqan chi ichaj tiko’n rech marihuana ri nima’q chik raqan, eri rajil are Q10, 655, 000 chi pwaqil ri’.
Pa taq ri tzukunem ri’, eri wokajil ajchajil tinamit xuquje’ k’o jun raqarik k’aqb’al q’aq’ jun fusil AK-47, ruk jun k’aqb’al q’aq’, ri josomel urajilab’al chi rij xriq ri’.
E pa Sipacapa, San Marcos ri’, xporoxik 2,512 raqan ichaj tiko’n rech marihuana ri nima’q chik raqan, eri rajil are kopan pa Q942 mil chi pwaqil ri’. pawe junab’ ri’,eri wokajil ajchajinel e’ajq’atenel awan k’nb’al ri’ xekowon che uriqik uporoxik 2.5 millones raqan chi ichaj tiko’n rech cannabis, ruk’ tiko’n rech amapola xuquje’ ruk’ uche’al ri coca ri’.
Eri Ministro rech Gobernación, Francisco Jiménez, pa ri uwachwuj tzijol rech red social X, sib’alaj xuya uq’ij ri kichak ri wokajil ajchajinelab’ rech ri PNC e’ajq’atenel taq awan kunb’al ri’, pa le uq’atexik taq ri narcotráfico pa ri qatinamit. Xuquje’ xkub’isaj uterne’xik ri chak ri’ rech kaq’atexik ri nuk’moalj b’anol k’ax pa taq nimatinamit.