Eri Unidad rech ri Gabinete Criminalístico (Gacri) rech ri Subdirección General rech Investigación Criminal (SGIC) rech ri Wokajil Ajchajil Tinamit (PNC) kub’ij panoq chawe are wa’ kab’ano we rajwaxik kachupisaj ri antecedentes policiales ri’ jeri kab’ano wexa’ kajunumistaj ab’i’ ruk’ jun chik winaq.
Eri taqanel rech ri chakuja ri’, kub’ij e k’o 25 chi winaqil tajin kachomaxik pa ronojel q’ij, che ri kakita’o usuk’umaxik ri kiwujilal ri’ rumal are rajwaxik chi ke pa le utzukuxik kichak ri’ xuquje’ pa le resaxik jun chik kiwuj ri’.
We jun b’anoj uchomaxik ri’ are la’ kumajo 15 pa 20 q’ij ri’, pa jun junab’ kanoq eri jun uchomaxik ri’ are kanajtib’ oxib’ ik’ ri’.
Are wa’ rajwaxik kab’anik rech kachupisax ri antecedentes policiales ri’
Nab’e ub’anik
Chatz’aqatisaj atzijol at, nab’e kawesaj awujil antecedentes policiales ri’, rech kawilo kajunumistaj ruk’ kib’i’ nik’aj chik winaq.
Ukab’ ub’anik
· Kataqo jun wujil che ri Taqanel rech ri Gabinete Criminalístico rech ri PNC, juch’utal uwach rumal le winaq kuta’o xuquje’ wene’ rumal le notario, rajwaxik kuk’am retal rajilab’al awochoch at xuquje’ ruk’ rajilab’al ach’aweb’al.
· Ruk’ jun rachib’al awujil rech atzijol at (DPI) pa media carta.
· Ruk’ jun rachib’al awujil rech awalixab’al at ri k’a te xawesaj.
· Ruk’ awujil antecedentes penales k’a te awesam xuquje’ ruk’ awujil rech antecedentes policiales k’a te awesam.
· Ruk’ ub’ixik ucholaj ri amak ab’anom.
· Rachib’al ri wujil ya’om rumal ri q’atb’al tzij che ri xatchomax wiri’, ri kub’ij pa le wuj ri’ che uk’isom chik achomaxik xuquje’ man k’ot chik karaj kuchomaj chawij at.
· Jun chik ri’: we man k’ot chk ri amak, rajwaxik ta chik kajach ri wujil kuya ri q’atb’al tzij.
Urox ub’anik
Rajwaxik kajach ri wujil ri’ ruk’ jun rachib’al (anuk’um pa jun folder xuquje’ jun utz ch’apb’al ub’i’ fastener) ri kacholajisaj b’i jacha kub’ij pa le ukab’ ub’anik ta’om.
Eri wujilal ri’ are kajachik pa le rachoch ri Gabinete Criminalístico, k’o pa le 19 avenida 11-00, zona 6 rech uk’u’x nimatinamit.
Le q’ij katchomax chi la’ pa le 8:00 pa 17:00 kajb’al, juntir pa le 365 q’ij rech pa le junab’ ri’. Wexa’ rajwaxik katch’aw apanoq pa le WhatsApp: 3049 0140 ri’.