Eri Viceministra rech Seguridad, Claudia Palencia, arechi’ xopan pa le Museo Sala Histórica rech ri Wokajil Ajchajil Tinamit (PNC), k’o pa le rachoch ri Dirección General rech ri PNC, zona 1 pa uk’u’x nimatinamit. Eri chakuja ri’ xjaq chi kuwach ri winaq tinamit rech na’tib’alil le Día Internacional rech ri Museos, che ri kab’an pa jujun taq 18 rech mayo.
Pa le ropanik pa le museo, eri Viceministra Palencia xuya uq’ijol kichak taqkilem ri unidades especializadas kakib’an pa ri jalajoj k’olib’al tzijob’inem, rech kak’ut wi ri b’anikil kkub’al k’u’x ya’olchajinem winaqil ri’.
Xuquje’ le nim nan taqawokajnel ri’ xe’isik’ij wi achalalil e aj iximulew xuquje’ ri e rajtijoxel rachoch taq tijob’al rech ke’opan pa k’isb’al wuqq’ij pa le Sala Histórica xuquje’ rech kakilo ri echab’al ya’om kanoq xuquje’ ri utzijil uk’aslemalil ri wokajil ajchajin tinamit pa le uk’aslemalil ri amaq’il nimatinamit Iximulew.
Pa le kopanik pa rachoch ri museo ri’ eri e ajsolinel chi’ kakil ri’ ri jalajoj uwach taq atz’iyaqb’alil xuquje’ ri k’aqb’alil kikojom ri wokajil ajchajil tinamit winaqil, jeri’ ri wujilal ruk’ nik’aj chik jastaq na’tib’al ri kikojom pa le xkik’aslemaj uwach ri wokajil ajchajil tinamit pa uk’aslemalil.
Xuquje’ chi’ kilotaj wi k’utb’alil rech ub’anikil ri chak keta’m kib’anom ri jujun taq unidad especializada rech uq’atexik ri b’anoj k’ax. Xuquje’, ri chak kakib’an ri Binomios K-9, are kuwach jun k’amol b’e xuquje’ jun tz’i’ eqa’lenel ri xetijoxik rech utzukuxik uriqik awan jastaqil.