K’ate ri’ eri Viceministra rech Seguridad rech ri Ministerio rech Gobernación, Claudia Palencia, xub’an jun nim k’amq’ab’ kuk’ ri amaq’il nimatinamit ri’ kuk’ ri ajchomanelab’ ri nima wokajilal chomanem ri’. Eri k’amq’ab’ kuk’ are xb’anik pa uq’ijol ri Foro rech ri Objetivos rech Desarrollo Sostenible 16, pa oxib’ q’ij, xb’an pa le rachoch k’olib’al ri Organización rech ri Naciones Unidas (ONU) ri’.
Are chi’ xutzijonik pa le rachoch k’olib’al ri nima wokajilal ri’ pa le waqib’ q’ij rech mayo, eri Viceministra ri’ xmolin chi kuwach ri keb’ wokaj q’attaqanem amaq’ib’ ri’ ri xuk’ut wi ub’ixik che ri q’attaqanem Iximulew k’o chi’ rech katzijuj ri uwachtzijonem ri’. Eri nab’e riqb’al ib’ are ruk’ al Leyla Saharafi xuquje’ ruk’ ri al Julia Bunting, eri e are e rajchomanel ri Fondo rech Población rech ri Naciones Unidas ri’. Pa le riqb’al ib’ chi kuwach xkitzjoj ri k’axk’onem rech achk’ulaj xuquje’ ri kamisanik, ri uq’atexik kab’an pa Iximulew ri’.
Pa k’isb’al, le nan ajpatanel xmolin kuk’ ri a Manuel Martínez Miralles, ruk’ xch’a’w wi ch irij uq’atexik ri q’axenik k’ayin awan k’aqb’alil xuquje’ ri b’anoj uq’atexik kab’an ri jun k’ax ri’ pa komonchak. Eri riqb’al ib’ are la’ rech xjaq uwach ruk’ taq rajchomanelab’ ri oficina regional rech Perú, ri xch’ob’ wi ri ya’el utzijoxik ri’ xuquje’ ri utz taq chak b’anoj rech investigación criminal rech uq’atexik ri jun k’axk’olil ri’.
Pa k’isb’al, xkiriq kib’ rech jun xkitzijoj uchomaxik ruk’ al Delphine Schantz, ajchomanel rech ri Oficina rech ri Naciones Unidas rech Q’ateb’al Awan Kunab’al xuquje’ ri B’anoj K’ax (UNODC) ri’. Eri chomanem chi kuwach ri keb’ q’attaqanem amaq’ib’, ri xchomax wi ri uwachtzijonem rech ya’ik uchuq’ab’ ri chak tajin kakib’an ri Wokajil Ajchajil Tinamit, ri Wokajil Japache’ Tz’apib’al ri’. Xuquje’ xkikub’isaj ub’anik ri k’amq’ab’ chomanem chi kuwach ruk’ ri UNODC rech kakiterenb’ej ub’anik pa komonchak ri’.
Eri K’amal B’e Amaq’ Bernardo Arévalo are xujaq uwach rilob’al tzijol q’atab’an tzij kumal ri winaqil tinamit xuquje’ rech kekojik ri e utz wokajilal, ri e ajilob’an ri’. rumal ri’, pa le utaq’atanik ri Ministro rech Gobernación, Francisco Jiménez, kuk’am uchuq’ab’ ri komon tob’anik kuk’ nik’aj chik nimatinamit e k’o apanoq xuquje’ rech kak’utik che ajawam uwach ri b’anoj choman tinamit rech kaq’atexik pa komonb’alil ri k’axk’olik kuk’ nik’aj chik nimatinamit.