Pa jun puqtzukunem q’atenik pa komonchak ri’ kumal reqa’lenel ri Wokajil Ajchajin Tinamit (PNC) xkichap loq kimik e’oxib’ chi winaqil xkib’an jun k’aqanik pa le mercado “Mario Alioto López Sánchez” rech Villa Nueva, Iximulew. Eri jun utz q’atenik ri’ xb’an pa komonchak wokajil are ri’ xub’an upatan rech sib’alaj xq’atexik ri jun b’anoj k’ax ri’.
Eri reqa’lenel ri Comisaría 15 rech ri PNC xkiya loq utzijol chi k’o k’i k’aqb’alil xrdiqitajik, ruk’ ri kupkik k’aqb’al ri’, ,ruk’ nik’aj ch’ich’ che ri xkikoj pa le k’aqanem. Rumal eri q’atb’al tzij pa aninaqil xe’opan che ri kachajixik ri winaqilal ri’ rech uq’atexik ri b’anoj k’ax chi la’ pa le wokja.
Maltyox b’a’ chi kech ri reqa’lenel le E’ajchajin Tinamit rech Tránsito rech Villa Nueva ri’, eri e’ajchajin tiamit ri’ e’are qas xe’opan nab’e che le rilik ri jun b’anoj k’ax ri’, xuquje’ are ri’ PNC xechapowik nik’aj winaq che ri xek’aqanik, chi’ k’ut kaq’alajin wi chi k’o nim upatanib’al le komonchak pa le kaq’atexik ri nik’aj nuk’molaj e b’anol k’ax.
Eri q’atb’al tzij xkiterne’x uq’alajisaxik uwach ri jun k’ax ri’ rumal ri’ xub’ij chi kech ri winaqilal rech ketob’anik ruk’ ri tzijol b’ixik loq rech kaq’atexik ri nik’aj b’anoj k’ax ri’. Le PNC xkub’isaj ub’ixik che are wa’ jun chak reqele’n rech pa le kachajixik ri winaqilal xuquje’ rech kak’oji pa amaq’el le chajinem pa Villa Nueva.