Rumal b’a’ sib’alaj e k’i ri winaqilal e wa’katel kakimol kib’ pa taq ri telentyox pa awas q’ij pa qatinamit, eri Wokom K’amal B’e Amaq’ pa reqele’n uchakunik le Ministerio rech Gobernación ri xumaj ri cholchajinem ub’i’ plan “Tradiciones Seguras”, ri e k’o e 1 mil chi reqa’lenelab’ rech ri Wokajil Ajchajin Tinamit ri’ (PNC), pa le Centro Histórico rech ri uk’u’x nmatinamit ri’, pa La Antigua Guatemala, pa Sacatepéquez, xuquje’ pa nik’aj chik k’olibem winaq pa tinamit.

Eri e’ajchajinel xetaq pa kajib’ uk’olib’al ri telentyox pa tinamit. Pa le umajtajik le jujun telentyox, k’o ri chajinem kab’an chi rij taq kejach’ich’, che kaqan e chajininaq chi rij taq ri telentyox, xuquje’ k’o jun puqchajinem q’atenik xb’an pa k’a k’isb’al ri telentyox ri’ rech kakub’isax uya’tajik ri jikomal joremal ri k’olib’em winaq ri’.

K’a pa Miércoles rech Kojob’al Chaj k’a pa le q’i domingo rech Cuaresma, eri wokajil ajchajin tinamit kib’ano ri chajinem pa 50 chi telentyox ri’. Eri b’anoj chajinem ri’ are la’ rech xya uchuq’ab’ ri 14 Torres rech Vigilancia e k’o panoq naqaj chi rech taq ri taxtyox kech ajch’ab’al xuquje’ che ri qas kakimulij wi kib’ ri winaqil.

Eri b’anoj chajinem ri’ are la’ kajipix ub’anik pa taq ri keq’ax wi ri e’ajch’ab’al rech ri komontyox rech keb’e pa uch’ab’exik ri wuqub’ uwatyox pa le Jueves Santo ri’.  Eri Taxtyox che ri qas ke’opan wi ri’ are pa le Taxtyox rech Nuestra Señora rech ri Remedios “El Calvario”ri’, pa le Parroquia Nuestra Señora rech ri Merced xuquje’ pa le Rectoría Santuario Arquidiocesano rech ri Señor San José ri’.

Xuquje’ eri cholchak ri’ are kumaj ub’anik jun puqchajinem q’atenik rech pa le Nimalaj Telentyox ruk’ le Consagradas Imágenes rech Jesús Nazareno rech Candelaria xuquje’ pa le rech ri Santísima Virgen rech Dolores ri’. Rumal le nimalaj telentyox kab’an ri’, eri reqa’lenelab’ chajin tinamit kakijal kib’ pa waqxaqtaj kajb’al, rech pa amaq’el kab’an ri ya’olchajinem pa ronojel ri ka’ok’ow wi ri telentyox, rech pa amaq’el kakib’an ri chajinem pa ronojel taq ri ri telentyox kab’an ri’, ri kamajtaj pa le 5:30 kajb’al rech aq’ab’il am rech ri Jueves Eucarístico, ri kak’is ri’ pa le 2:30 kajb’al rech nimaq’ab’ rech ri Viernes Santo.

Eri q’atb’al tzij sib’alaj xkib’ij chi kech ri winaqil rech chakiya ub’ixik chi kech eri e’ajchajin tinamit wexa’ kakilo k’o ri k’ax kab’anik pa le nimaq’ij ri’. Xuquje’ xuna’tisaj ub’ixik chi kuwach chi k’o keb’ rajilal rech we k’o ri kakib’ij loq pa le 110 rech ri PNC xuquje’ le 1531 rech ri Centro Anticorrupción Policial, chi la’ k’ut kak’ul wi utzijol kumal le e’ajeqa’lenel ri xkitijoj kib’ rech kek’oji pa le chak ri’.