Eri puqchajinem tzukunik ruk’ ri tzukno’jchak b’anom kumal reqa’lenelab’ ri División Nacional rech Uq’atexik taq ri Pandillas (DIPANDA) rech ri Wokajil Ajchajin Tinamit (PNC) are k’o nim upatanib’al ub’anom ri’ pa le uq’atexik taq ri b’anoj elaq’ toq’inik pwaq ri’ pa amaq’ tinamit. Pawe junab’ ri’, e k’o chik 1,601 chi elaq’omab’ e’ajtoq’inel pwaq, e pandilleros kuk’ ri e’ajsub’unel taq winaq.
Pa jun puqchajinem tzukunik k’ate xb’an ri’ xb’antaj kowone xchapik a Hugo N, 57 ujunab’, pa le barrio El Llano, San José Acatempa, Jutiapa ri’. Eri jun achi extorsionista ri’ are kukoj rib’ chi ajpandillero, xuquje’ sib’alaj xutoq’ij chomapwaq Q250 mil, che ri jun winaq pa le utaqik b’ixik pa WhatsApp xuquje’ pa taq ch’aweb’alil xub’an ri xib’ib’anik ri’.
Are chi’ xya utzijol ri’, eri DIPANDA xub’an jun puqchajinem tzukunik k’a pa le rachoch le winaq xb’an k’ax chi re, ri xchomax wi ruk’ ri jun xchapik kajach wi ri pwaq pa uq’ab’. Are chi’ xopan chi la’ k’ut, eri ajtzukunelab’ rech chajin tinamit chi la’ k’ut xkichap wi loq ri jun achi ri’, ri xub’ij che xa’ xtaq ri’ che uk’amik ri pwaq xtoq’axik ri’.
Ruk’ ri jun achi ri’ xriq wi keb’ ch’aweb’alil, pa jun chi ke xriq wi ri taqontzij b’ixik ri b’anoj k’ax xub’an ri’. Eri keb’ ch’aweb’alib’al ri’ xepis b’i kumal ri q’atb’al tzij rech kakitzukuj juntir uwach utzijol taq ri b’anoj elaq’ toq’inik pwaq ri’.
Pa jun chik b’anoj puqchajinem tzukunik ri’ xchap wiri’ jun ixoq ub’i’ al María N, 42 ujunab’, ukojomb’i’aj chech “La Negra”, pa le zona 7 rech pa Xe’laju’. Eri jun ixoq ri’ uwinaqil ri jun pandilla rech ri Barrio 18 are kab’ixik xtaq uchapik ri’ rumal ri jun Q’atb’al Tzij rech tinamit Quiché rumal xub’an ri elaq’ toq’inik pwaq ri’. Ri are xtaq uchapik pa le 7 rech ik’ octubre kanoq.
Eri tzukno’jchak xuq’alajisaj che ri jun ixoq ukojomb’i’aj “La Negra” are kab’ixik sib’alaj xuban xib’ib’anik chi ke ri e’ajk’ayinelab’ kuk’ ri winaqil rech pa tinamit ri’, chi la’ k’ut sib’alaj xub’an wi ri elaq’ toq’inik pwaq ri’ rech kub’an ta k’ax chi ke ri’. Pa ik’ abril kanoq, eri jun ixoq ri’ ri are xchapik rumal xub’an elaq’ toq’inik pwaq xuquje’ pa le q’ij ri’ xtzoqopix loq pa ik’ septiembre ri’. Rumal ri’ pa k’isb’al wuqq’ij ri’, xterne’x uchomaxik ri b’iw b’ixik loq, rech xk’am b’i pa taq ri q’atb’al tzij.
Eri b’iw b’ixik ri’ pa le 110 rech ri PNC xuquje’ pa 1574 rech Antiextorsiones xuya pa retal ri’ rech xb’antaj uq’atexik ri b’anoj k’ax ri’ pa amaq’ tinamit.