Pa le nab’e q’ij rech enero k’a pa le 24 rech julio rech pa junab’ ri’, eri reqa’lenel ri comisarías xuquje’ rech ri delegaciones rech ri Subdirección General rech Operaciones (SGO) rech ri Wokajil Ajchajil Tinamit (PNC), xkichap e 47 chi winaqil e aj Colombia, rumal ruk’ b’anoj k’ax kakiya qojom pwaq chi ke taq ri winaqil ri’.
Are wa’ k’o pa ub’antajik pa le Plan Operativo 029-2023 ub’i’ “Contra el Delito de Usura”.
pa le Código Penal ri’ pa le Artículo 276 kub’ij jachin b’a’ kub’an ri k’ax ruk’ ri qojom pwaq ri’ chi ke ri winaq ri’, k’o jun nimalaj uma chi rij wari’ pa le q’atb’al tzij, pane’ b’a ri qojom pwaq ri’ wajom rij pa le qojomanem riu’.
Eri winaq kub’an ri Itzel qojom pwaq riu’ kab’e pache’ chi rij ri’ pa waqib’ ik’ ruk’ keb’ junab’ xuquje’ kutoj ri’ doscientos pa dos mil quetzales chi rij umak ri’.
Xuquje’ pa le Artículo 277 ri’. kub’ij wi eri b’anoj Itzel qojom pwa qri’. Are k’o q’atb’al tzij jacha kub’ij pa le artículo q’atom wi ub’ixik ri’:
Pane’ b’a reta’m, kuk’am, kuya’o ri pwaq pa qojom che ri jun winaq’ ri’.
2. Jachin kutoq’ij ruk’ b’anoj k’ax ri pwaq k’o pa qojom ri’.
Eri q’atb’al tzij xkib’ij che pa le 31 rech julio ri’, e chapom chik e 47 chi winaqib’ colombianos xuquje’ e k’amom b’i pa le Instituto Guatemalteco rech Migración (IGM) a 607 ri’.
Pa junab’ir kanoq
Eri rajilab’al ya’tal kumal ajchajil tinamit pa le 2022 , are chi’ xechapik e 31; xek’am e 708 pa migración rumal man k’ot kiwujilal rech kek’oji pa qatinamit.
Pa molinik ri’
Pa le 28 rech julio kanoq, eri q’atb’al tzij rech ri Ministerio rech Gobernación (Mingob) xuquje’ ri taqanel rech ri PNC xkichomaj jun moloj ib’ chi rij chak pa le Campamento rech Límites xuquje’ Aguas Internacionales rech ri Ministerio rech Relaciones Exteriores (Minex) ri’, k’o pa le frontera Valle Nuevo, Jalpatagua, Jutiapa, rech taqom ub’anik ri chajinem pa le k’ulb’a’t juyub’ ri’ ruk’ El Salvador rech kaq’atexik ri nik’aj ajqojomanel pwaq maj pa usaqil e rech ri nimatinamit suramericano pa Iximulew ri’.