Eri puq reqa’lenelab’ ri unidades especializadas rech ri Wokajil Ajchajin Tinamit (PNC) xkib’an jun tzukunem pa le kilómetro 94.5 rech ri aldea El Amatillo, Oratorio, Santa Rosa ri’. Eri jun puqtzukunem ri’, are rech kaq’atexik ri ch’ijom k’ax chak chi ke taq ri winaq, pa le ukab’ uwach rech rech ri Operativo “LevTahor” ri’.
Le Ministro rech Gobernación, Francisco Jiménez, xuya ub’ixik pa le uwachwuj pa kemechakunib’al rech X, ri xb’an pa le puqtzukunem ri’ le xb’antaj kowonem xeriq loq e kajib’ ak’alab’. Xuquje’ sib’alaj xuya ub’ixik che ri komonchak kumal ri wokajil ajchajin tinamit xuquje’ rumal le Procuraduría General rech ri Nación (PGN) rech xe’utzukuj xuquje’ rech xe’uk’am b’i ri ak’alab’ ri’ rech ke’uto’o.
Eri q’atb’al tzij, k’a pa 19 rech enero kanoq, eri ak’alab’ xeriqitajik ya’om ri’ kitzijol pa le jun Alerta Alba-Keneth ri’. jacha k’ut ruk’ ri kitzijol xya kanoq, k’isb’al ri’ xe’ilik pa le zona 1 rech uk’u’x nimatinamit. Pawe q’ij kimik man k’ot jun kitzijol tane’ chi k’o xchap tane’ chi kij ri’.
Eri katzukuxik xb’anik are katajin na rech kaya uchuq’ab’ ri tzukunem katajin chi kij ri winaq ri’ che ri kab’an k’ax ch’ijomchak chi kech, jeri’ pa toq’im kik’ulajil ri winaq xuquje’ chi kech ri ak’alab’ ri keriqitaj pa taq ik’ chak ri’. Ruk’ katzukuxik riu’, are taqim ub’anik utzil chi kech ri ak’alab’ ri’.