Pa jun nimalaj kitaqik pa kawokajil rajchajinel ri Wokajil Ajchajin Tinamit (PNC) ruk’ ri Wokaj E’ajchajin Amaq’ Iximulew xb’an k’ut jun nim chajinem tzukunik pa le aldea La Mesilla, k’o pa le Democracia, Chinab’jul.
Eri puqchajinem ri’ are utaqim k’ut kaq’atexik taq ri molaj b’anol k’ax chi kuxo’l taq ri nimatinamit, reh kakub’isax ub’anik kachajixik ri winaqil chi la’ rech pa amaq’el k’ut kek’oji ri ajchajinelab’ chi la’ k’ut.
Eri Subdirector General rech Prevención del Delito, Pablo Rodríguez, ri are xub’ij che ruk’ ri puqchajiem pa komonchak kumal ri wokajil e’ajchajin amaq’ e’ajchajin timamit kuya k’ut uchuq’ab’ ri b’anoj chajinem chi kuxo’l taq ri Iximulew ruk’ ri México. “K’o chajinem kab’an pa komonchak kuk’ taq rajq’atol tzij ri MP, rech ri ub’anik ri puqchajinem pa kachoch winaq ri’” xcha’.
Rumal ri’, eri Subdirector General rech Antinarcóticos, Wuilber Arreaga, sib’alaj xub’ij chi k’o nim upatanib’al ri b’anoj taq komon chajinem ri’ rech kachajixik taq ri k’olib’alil pa taq k’ulb’a’til rech chi kuxo’l taq keb’ nimatinamit ri’. Xuquje’ xub’an jun kasik’ixik ri winaqilal rech kakiya ub’ixik utzijol taq b’anoj k’ax pa le 110 rech ri PNC, xuquje’ pa le 1577 rech antinarcótica ri’.
Eri Comandante rech ri Quinta Brigada rech Infantería rech ri MDN, Gil Cordón, xub’ij che ri komonchak puqchajinem kumal taq ri e’ajchajin tinamit, e’ajchajin amaq’il are k’o nim upatan ya’ik uchuq’ab’ ri b’anoj chajinem pa taq ri k’ulb’a’til pa tinamit ri’.
Pa taq ri b’anoj puqchajinem, eri wokajil ajchajin amaq’ tinamit ri’ kikojom k’olib’al chajinem pa taq ri nimab’e xuquje’ pa taq ri k’olib’alil rech ri tinamit ri’. Eri b’anoj chajinem pa taq nimab’e are tajin ruk’ ri chajinem pa kaqiq’ chokaj rumal ri Unidad Aérea rech ri Ministerio rech Gobernación (UNAGOB) ri’.
Eri b’anoj runimal chajinem ri’ are uwach ri Plan Mercurio Control Territorial pa Áreas Fronterizas”, taqom ub’anik rumal ri Wokom K’amal B’e rech Iximulew pa reqele’n uchakunik taq ri Ministerios rech Gobernación (MINGOB) xuquje’ rech ri Defensa Nacional (MDN) ri’. Ruk’ ri cholchak chajinem are taqim ub’anik utzilem chi kech ri winaqilal xuquje’ rech ya’ik uchuq’ab’ ri b’anoj chajinem pa taq k’ulb’a’til rech chi kuxo’l ri keb’ amaq’ib’ nimatinamit.