Eri reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) pa komonchak kuk ri q’atol Tzij rech ri Ministerio Público (MP) ruk’ katob’anik ri Wokajil Ajchajil Amaq’ Iximulew xkib’an jun puqchajinem tzukunik rumal ri’ xkichap e 19 chi winaqib’ ri’.
Le puede interesar: Mingob reconoce apoyo del Centro Perry
We q’ij kimik, xb’an ri puqchajinem ub’i’ Operación Pacífico ri’, rech xb’an 35 chi tzukunem pa Retalhuleu xuquje’ pa Alta Verapaz rech xq’atexik jun molaj b’anol k’ax ri e ajq’axenel awan kunab’al pa le Taq’ajil Juyub’ ri’. Chi ke e k’o oxib’ chi winaqil xechapik rech xetaq b’i pa japache’ q’atb’al Tzij rech Estados Unidos rech América ri’. Eri xechapik e are k’ut: a Magner López Mejía, alias “Mapa”, a Jorge Luis Rodríguez López, alias “Mosco” xuquje’ a Pedro Pablo Yaser Barrios Cruz, alias “Pepe” ri’.
Xuquje’ xechapik, a Héctor Leonidas Girón Alvarado, a Marlon Estuardo Beltetón Chiquín alias “Belter”, a Luis Armando Navarro Barrientos, a Erick Fernando Valencia Estrada, a Ronald Danilo Cisneros Gasparico, a Mario Adolfo Sarmiento Zeceña, a Arnoldo de Jesús Moraga Zerrates, al Juana Odilia Martínez Constanza, al Mónica Tatiana Rosemberg Caseros de Lanz, al Evelin Roxana Hernández Castillo, a Nelson Aníbal Rodríguez Moraga, a Nelson Adolfo Sandoval Barrios, a Gilberto Wosbely Bonilla Flores, a Ervin Rolando Choc Pacay xuquje’ a Paula Amarilis Florián López ri’.
Eri xechapik e k’o e aj PNC chi ke xuquje’ e reqa’lenel ri Wokajil Ajchajil Amaq’ Iximulew, ri kab’ixik xkib’an itzlelal pa le kipatanik pa le ub’anik ri k’ax ri’. E are k’ut kab’ixik e ajq’axel awan kunab’alil rech xkik’ayij ri’.
Eri K’amal B’e rech ri PNC, Adal Amilton Rodríguez Najarro, xub’ij che ruk’ ri chajinem tzukunik keb’ junab’ xb’an jun tzukunik chi kij. Rumal ri’ xb’an kowonem xq’atexik ri awan kunab’al rech kataq chik pa Estados Unidos ri’.
Le puede interesar: Mingob participa en la Feria de Prevención y Erradicación del Trabajo Infantil
Pa le tzukunem ri’ xriq kajib’ chi b’inisal ch’ich’, jun k’aqb’al, jun kematz’ib’ab’al xuquje’ keb’ chi ch’aweb’al. Eri xechapik xek’am b’i pa xik’ach’ich’ cho kaj kumal ri Unidad Aérea rech ri Ministerio rech Gobernación (Unagob) xuquje’ ri Wokajil Ajchajil Amaq’ Iximulew pa Ciudad Capital rech xek’am b’i pa taq q’atb’al Tzij ri’.