Eri reqa’lenel ri Departamento rech Tránsito rech ri Wokajil Ajchajil Tinamit (DT-PNC) sib’alaj xkib’an puqchajinem tzukunik rech seguridad vial ri’ pa taq ri nimab’e rech rulewal tinamit aj iximulew, qas pa le nimab’e ub’i’ CA-1 Occidente xuquje’ Ruta Nacional 10 ri’. Eri b’anoj chajinem q’atenik ri’ xb’anik rech xeq’atexik ri e ajb’inisal ch’ich’ qas kakirumumij kib’ pa le k’isb’al wuqq’ij chi’.
Eri Ministro rech Gobernación Francisco Jiménez xuya utzijol ri’ eri tojom xkoj chi ke ri 157 e ajb’inisal ch’ich’ are rumal xkinimaj ta utzij ri Taqanem rech Tránsito ruk’ ri retab’alib’alil, xuquje’ e wuqub’ chi kejach’ich’ xechap pa nimab’e rech Occidente ri’.
Ronojel ri q’atom tojob’al xkojik xuquje’ xkoj chi ke ri maj kiwujil rech b’inisal ch’ich’ keqam taj, rumal keqam ta ri uwujil ri ch’ich’ rech kab’inisaxik xuquje’ rumal man utz ta ukojik ri placas kikojom che ri ch’ich’, e k’o nik’aj chik k’o kitojob’al xkojik rumal keqam taq ri casco rech kijolom ri’. Rajwaxik b’a’ keta’maj che ri e ajchajinel rech tránsito keqam velocímetros rech kakipaj nikpa’ uchuq’ab’ kirumumim kich’ich’.
Pa le tzukunem xb’an kumal ri wokajilal chi rij apanoq ri nimatinamit La Antigua Guatemala ri’ kab’e pa Santa Lucía Milpas Altas, Sacatepéquez, Ruta Nacional 10, ri ub’i’ eta’amam Cuesta de las Cañas, chi’ k’ut xtoj wi 53 chi tojob’al chi ke ri e ajb’inisal ch’ich’ rumal xkiinimaj ta utzij ri Taqanem rech Tránsito ruk’ retab’alib’alil xuquje’ e k’i wujilal rech b’inisab’al ch’ich’ xe’esax loq.
Eri b’anoj tzukunem q’atenik ri’ are xb’an pa komonchak ruk’ ri Dirección General rech Transportes (DGT), ruk’ ri Dirección General rech Protección xuquje’ Seguridad Vial (PROVIAL) rech ri Ministerio rech Comunicaciones, Infraestructura xuquje’ Vivienda, xuquje’ kuk’ ri Policías Municipales rech Tránsito rech Santa Lucía Milpas Altas xuquje’ Chimaltenango ri’, rech taqim uq’atexik taq ri b’anoj k’ax pa taq nimab’e ri’.
Xuquje’ rech xq’atexik ri b’anoj etz’anem opanriqonik u’i’ carreras clandestinas ri’ xuquje’ rech keto’ik ri winaq kewa’katik pa taq ri nimab’e rech taq tinamit che ri kel b’i k’a pa le nimatinamit Iximulew rech keb’e pa taq ri Occidente rech pa qatinamit xuquje’ ri ketzalij loq pa k’isb’al taq wuqq’ij ri’.