Are wa’ ri chak tajin kumal ri reqa’lenel ri Wokaj Ajchajinelab’ e Ajq’atenel Pandillas ri’ (Dipanda) rech ri Subdirección General rech Investigación Criminal (SGIC) rech ri Wokajil Ajchajil Tinamit (PNC), e are xechapowik ri 38 chi winaqil k’o ri k’ax xkib’an ri’ rumal ri’ xuquje’ k’o k’aqb’al xriqitaj kuk’; pa le 27 rech agosto pa le 2 rech septiembre rech 2023 ri’.
Pa le ya’olchajinem kumal ri ajchajil tinamit e k’o 38 chi winaqil xechapik, e k’o 21 e tz’apil pa japache’ xeriqitajik e are jun pa le b’anoj ri k’ax, k’o 21 chi ch’aweb’al xriqitaj ri’, e k’o keb’ q’apojil xeriqitajik pa b’anoj k’ax, k’o jun xchap b’i pa Migración ri’ xuquje’ k’o keb’ tzukunem xb’an pa japache’.
Pa le puqchajinem ri’
Eri reqa’lenel ri Comisaría 42 rech San Marcos rech ri PNC, are chi’ e k’opa le Parque Central rech ri tinamit, chi la’ k’ut xkichap wi jun achi ub’i’ José Fernando Ramírez Chang, 41 ujunab’, xriqitajik are chi’ q’ab’arel utijom ri tzam xuquje’ wene’ ruk’ ri jun awan kunab’al, reqam k’ut jun k’aqb’al ruk’ uwujil reqam.
Eri reqa’lenel ri Comisaría rech Jalapa, pa nimab’e kab’e pa Potrero Carrillo rech ri tinamit ri’, chi la’ xkichap wi jun achi ub’i’ Carlos Roberto Pérez Gómez, 26 ujunab’, are kab’ixik ub’anom kamisani pa 17 rech junio rech 2016, xuquje’ are chi’ reqam jun k’aqb’al maj uwujil.
Rumal ri’ eri q’atb’al tzij kakib’ij jachin karaj k’o kuya ub’ixik loq pa le 110 rech PNC xuquje’ pa 1574 ri’.