Eri reqa’lenelab’ ri Departamento rech Tránsito rech ri Wokajil Ajchajin Tinamit (DT-PNC) sib’alaj kakib’an ri puqchajinem ri’ rech uq’atexik taq b’anoj k’ax pa taq nimab’e xuquje’ ri rech pa taq tinamit, are rech kaq’atexik ri b’anoj taq k’ax, rech maj jun b’a’ kupetisaj k’ax pa taq nimab’e xuquje’ rech kato’ik uwach kik’aslemalil ri winaqil pa taq ri nimab’e pa tinamit.
Are wa’ uwach ri puqchajinem ri’, tajin kumal ri wokajil ajchajin tinamit ri keriqitaj pa jun k’olib’al chajinem pa le kilómetro 193 rech le ruta Autopista Los Altos, pa Quetzaltenango. Pa le k’olib’al chajinem ri’, xkib’an wi le rilik kitzijol ri e’ajb’insal taq kejach’ich’ kuk’ taq ri kachi’l rech xkilo we man k’ot taqom kichapik chi kech, we keqam ri kiwujilal rech kewa’kataj chi rijtaq le ch’ich’ ri’, rech kakeqaj b’a’ ri kiwujilal rech kib’insam ri kich’ich’ xuquje’ rech man k’ot awan itzel jastaq rech kakib’an tane’ ri k’ax ri’ keqam b’i.
Pa le puqchajinem ri’ e k’o 100 chi winaqil xilik ri kitzijol, xuquje’ k’o 44 tojb’al xkoj chi kech ri e’ajb’insal taq kejch’ich’ rumal xkib’an jalajoj ri kimak xkib’an pa uq’ab’ ri Taqanem rech Tránsito ri’. E k’o nik’aj chi kech man keqam taj kiwujil rech kakib’insaj ri kich’ich’, nik’aj chik rumal kititz’om b’i winaq kib’insam kich’ich’, nik’aj chik rumal man k’ot ri k’a’x tob’al kijolom keqam, e k’o nik’aj chik xechapik rumal kipaqab’isam uqul b’ix pa le k’ich’ich’ kib’insam.
Eri puqchajinem tzukunik ri’ are qas kuya uchuq’ab’ le seguridad vial xuquje’ are kukub’isaj ri chajinem pa ronojel taq tinamit. Xuquje’ eri q’atb’al tzij sib’alaj ketaq’alb’exik ri winaqilal rech kakib’ij loq wexa’ k’o nimalaj rajawaxik kilik pa aninaqil, wexa’ e k’ e’ajb’insal ch’ich’ man utz taj kakib’an pa nimab’e, chakib’ij pa le 1599 rech ri DT-PNC ri’.