Eri q’atb’al tzij rech ri Sección rech Investigación rech Delitos xuquje’ Indemnidad Sexual ri’, rech ri División Especializada rech Investigación Criminal (DEIC) rech ri Wokaj Ajchajin Tinamit (PNC), xkiya utzijolil che pa 2013 k’a pawe junab’ 2024 ri’ kichapom chi uloq e 44 chi ixoqib’ ri k’o jalajoj taq k’ax xkib’an ri’.
K’o jun ixop xch’ob’ uwach ukab’ ub’i’ al López Chinchilla, 21 ujunab’, k’a te xchap uloq rumal xub’an umak agresión sexual ri’, chi uwach ri Residenciales Naciones Unida 11, zona 10 rech Villa Nueva, Iximulew.
Pa le 2013 ri’ xechap kanoq e wajxaqib’ chi ixoqib’ rumal e k’o xkib’an agresión sexual ri’, rumal nik’aj chik xkiwajo kib’, e k’o rumal xkijuy winaq kuk’, e k’o nik’aj rumal xkib’an k’ax ch’ijom chak chi kech ri ak’alab’. Pa 2015 ri’ xechap e keb’ ri’, rumal xkichap taq ab’om xuquje’ xkib’an k’ax chi kech. Pa 2016 xutzijox ri’ che ri junam kajilab’al winaq ri’ rumal k’o ri xkichap taq ab’om xuquje’ rumal k’o keqam k’aqb’al.
Pa le 2018 ri’ e oxib’ xechapik rumal xkichap winaq xuquje’ keqam awan kunab’al; xuquje’ pa 2019 eri q’atb’al tzij xkichap ri’ jun ixoq xub’an toq’inik pwaq.
Pa 2020 ri’ xechap keb’ chi ixoqib’ rumal xkikoj wujilal man tzij taj k’o pa saqil xuquje’ rumal xkib’an k’ax ch’ayonem, nik’aj chik rumal xkitaq pa ch’ijom k’ax chak ri taq ak’alab’ xuquje’ e k’o nik’aj rumal xkib’an itzelb’anoj pa kichak taqanik xukquje’ e k’o nik’aj rumal xkinimaj taj ri taqom tzij chi kech.
Pa le 2022 ri’ xechap ri’ e b’elejeb’ chi ixoqib’ rumal xkichap taq ab’om e k’o nik’aj chik rumal xech’ayonik. Pa 2023, xuquje’ e k’o b’elejeb’ chi ixoqib’ xechapik rumal xech’ayonik, nik’aj chik rumal xkiyut b’i winaq kuk’ rech xkib’an k’ax chi kech, nik’aj chik rumal xkib’an elaq’nik xuquje’ toq’inik pwaq; xuquje’ pa taq ri nab’e keb’ ik’ rech 2024 ri’ eri PNC xe’uchap ri’ e keb’ chi ixoqib’ rumal ch’ayonem xkichap ab’om xuquje’ rumal xkiyut b’i kuk’ rech xkitoq’ij pwaq chi kij.
Jeri’ eri Sección rech Investigación rech Tzukun Ixoqib’ e Sachinaq, rech ri DEIC, xuya utzijol chi k’o jun ixoq xchapik rumal poq’isan pwaq meb’il maj pa ucholaj usaqil xuquje’ xchap jun chik ixoq rumal xe’uch’ayo ri taq ab’om, taq alitom e ch’uti’n.
Eri winaq ri’ xechapik rumal k’o ri xkib’ij uloq pa awalik. Rumal ri’ eri PNC kub’ij chi k’o ri 110 rech kaya wi loq utzijol kumal ri winaqil ri’ rech kechomax kumal ri e ajno’jchak chi rij ri k’ax ri’ xuquje’rech katzukux uwach rech uq’atexik ri b’anoj k’ax ri’.