Pa k’isb’al wuqq’ij ri’ eri reqa’lenel ri Wokajil Ajchajil Tinamit (PNC) pa komon tzukunem kumal ri reqa’lenel ri Wokajil Ajchajjil Amaq’ Iximulew xkib’an k’i taq puqchajinem tzukunik pa jalajoj taq k’olib’al chajinem tzukunik xb’an pa rulewal tinamit Chiquimula ri’, chi la’ k’ut xeriqitaj wi e 92 chi winaqib’ kapetik pa Venezuela, Haití xuquje’ Colombia ri’. are chi’ xtaq kiwujilal xeq’alajinik maj kiwujil keqam pa rulewal tinamit ri’.
Le puede interesar: Agentes antinarcóticos localizan más de 600 municiones y 12 armas de fuego en allanamientos
Eri nab’e puq winaqil ri’ e 49 ri’ e winaqil haitianos ri xriqitaj loq pa jun Uk’olib’al Ya’olchajinem Tzukunik ub’i’ (PCI), k’o pa le kilómetro 177 nimab’e Interamericana, pa juyubal rech ri aldea Vado Hondo ri’. Eri ukab’ puq winaqib’ ri’ e 44 venezolanos, 17 haitianos xuquje’ e keb’ colombianos ri xeriqitaj pa le kilómetro 288 rech ri nimab’e kab’e pa le k’ulb’a’t juyub’ ub’i’ Agua Caliente, k’o pa le Esquipulas, Chiquimula ri’.
Eri wokajil ajchajil tinamit xkib’an jun utzilaj ilonem tob’anik chi ke ri wiinaqilal naj ri kapetib’alil. Te k’u ri’ xkik’am b’i pa ch’ich’ pa le rachoch chi la’ rech ri Instituto Guatemalteco rech Migración (IGM), chi la’ k’ut xb’an ri kiwujilal ri’.
Le puede interesar: PNC captura a 70 personas e incauta drogas en operativos
Eri K’amal B’e Amaq’ Iximulew pa reqele’n ri Ministerio rech Gobernación (Mingob) xuquje’ Ministerio rech ri Defensa (Mindef), xkib’an ri puqchajinem ri’ rech xkitaqij ub’anik jun kiq’axenik ri winaqil pa kub’al k’u’x xuquje’ pa ucholajil, xkikub’isaj kachajixik ri winaqil, ruk’ juntir kijastaq keqam, jeri’ rech kak’oji pa jikomal ri b’anonem taqanik pa tinamit.