Eri División Especializada rech Investigación Criminal (DEIC) ri’ uq’ab’il ri Wokajil Ajchajin Tinamit (PNC), katajin che puqtzukunem pa amaq’ tinamit, rech utaqim ya’ik uchuq’ab’ ri tzukno’jchak katajin ub’anik.

Eri puqtzukunem ri’ are la’ pa junamamil katajin ub’anik pa Iximulew, Escuintla, Suchitepéquez, Xe’laju’, Quiché, Petén, Chinab’jul, Alta Verapaz xuquje’ pa Chiquimula ri’.

Eri nab’ejsab’al ub’ixikil kumal ri PNC, are kub’ij, che pa le puqtzukunem solinik ri’ e k’o waqxaqib’ chi winaqil xechap loq rumal keqam k’aqb’al q’aq’ maj uwujilal, rumal b’anoj elaq’nik, b’anoj ch’ayonem che ri ixoq, rumal xub’an elaq’ xuquje’ k’ayin awan kunb’al xuquje’ ukolik uk’ayixik awan kunb’alil

Eri nik’aj winaq che ri xechapik e’are k’ut a Nicolás “N” 47 ujunab’, a Wilder “N” 19 ujunab’, a Juan “N” 33 ujunab’, a Julio “N” 38 ujunab’, a Carlos “N” 38 ujunab’, a Oscar “N” 27 ujunab’ ri’. Jeri’, a Ángel, ri ukojomb’i’aj “La Tona o Tontín” 18 ujunab’ xuquje’ al Ana “N”, 42 ujunab’, are winaq salvadoreña ri ukojomb’i’aj “Cataleya”, kab’ixik are uwinaqil nik’aj pandilleros rech ri 18.

Pa le puqtzukunem xb’an ri’ xuquje’ xeriq loq waqib’ chi k’aqb’al q’aq’, xuquje’ keb’ k’aqb’al woskaqiq’, xuquje’ xriq jun chaleco antibalas, ruk’ nik’aj nojisab’al k’aqb’al, ub’aq’ k’aqb’al q’aq’, job’ chi borxa k’olib’al ruk’ ri marihuana, ruk’ jun b’insal ch’ich’ xuquje’ jo’lajuj chi ch’aweb’alil ri xesipik rech kaq’alajisax uwach upetib’alil. Eri q’atb’al tzij xkib’ij che katajin ri tzukno’jchak chi rij kaq’alajisax uwach ri’.