Pa le keb’ q’ij ri’, eri reqa’lenelab’ ri Wokajil Ajchajin Tinamit (PNC) xkib’an jumulaj puqchajinem tzukunik pa taq k’olib’alil, rech xtaqixik kachajixik ri winaqilal xuquje’ rech xq’atexik ri b’anoj k’ax kumal e’itzel taq winaq ri’. Rumal ri’ xb’antaj kowonem xechap e’83 chi winaqil rumal jalajoj ri k’ax xkkb’ano, k’o oxib’ k’aqb’al q’aq’ xriqitajik maj uwujil eqam, xuquje’ e k’o job’ chi ch’ich’ keb’inisaxik e eleq’am b’i xeriqitaj loq.
K’o jun winaq ejb’anol k’ax sib’alaj xchapatajik uwinaqil ri jun molaj b’anoj k’ax kib’i’ clica “Raza Chapina” rech ri Barrio 18, xch’ob’ uwach ub’i’ ri are a Jonatahn N, rech 33 ujunab’, xchapataj loq jun tzukunem xb’antaj ri’ pa le 5ª calle xuquje’ 6ª avenida, boulevard Sur, Ciudad San Cristóbal, zona 8 rech Mixco, pa komochak kuk’ ri q’atol tzij rech ri MP. Eri jun achi ri’ are xch’ob’otaj k’o umak pa q’atb’al tzij rumal xub’an xib’inem ch’ojinik pa 2012.
Pa le utzukuxik xb’anik, eri wokajil e’ajchajin tinamit k’o 153 chi k’olib’al rech tz’eyib’em keqaxik ruk’ marihuana, ruk’ 51 chi rab’anik kunb’al rech crack, lajuj uware rilik k’olib’al rech cocaína, xuquje’ Q500 chi pwaq/rajil b’otolik. Xuquje’ k’o jun k’aqb’al q’aq’ k’uqpulunk’un xriqik, ruk’ keb’ yab’al uq’a’ ch’ab’eb’al, xuquje’ ruk’ juk’al kajlajuj chi ub’aq’ k’aqb’al q’aq’ utz kakojik ri’. Eri awan kunb’al are xpis b’i rumal ri q’atb’al tzij rech kaq’alajisax uwach ri’.
Pa jun chik puqtzukunem sib’alaj xeriq loq xechap loq e keb’ ajb’anol k’ax ri pa aninaqil xechap kumal reqa’lenel ri Comisaría 11 rech ri PNC. Eri nik’aj winaq xechapik e’are k’ut a Juan N, 24 ujunab’, xuquje’ a Cristian N, 33 ujunab’, e winaqilal hondureña ri’, ri xkeleq’aj kijastaq ri winaq e’ajb’inisaxel rech ri jun nimach’ich’ ereb’al winaqib’ pa tinamit, chi la’ pa le 40 calle xuquje’ 5ª avenida, zona 8 ri’.
Are chi’ xchap loq, k’o kajib’ chi ch’aweb’alib’al xuquje’ jun nim utza’m k’yaqb’al q’aq’, are chi’ k’o ketajin che uwajik pa katz’yaq ri’. Eri e keb’ winaq ri’ xek’am b’i pa q’atb’al tzij rech kaq’at tzij pa kiwi rumal ri k’ax xkib’ano.
Eri q’atb’al tzij sib’alaj xkib’ij chi kech ri winaqil rech chakib’ana toq’ob’ chakib’ij loq we k’o ri kakitzuj ri’ pa le ch’aweb’alib’al 110 rech ri PNC, pa le 1574 antiextorsiones ri’, pa le 1577 antinarcótica ri’, pa le 1531 rech le Centro Anticorrupción Policial xuquje’ pa le 1561 Crime Stoppers ri’. K’o nim upatan b’a’ we katob’anik che ub’ixik loq le winaqilal rumal are kub’an upatan rech pa aninaqil keb’e che ri ilonik ri e’ajchajin tinamit pa le uq’atexik ri b’anoj k’ax pa rulewal nimatinamit ri’.