Eri reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) e k’o oxib’ chi winaqib’ e coyotes kab’ixik xechapataj pa 28 rech septiembre ri’ pa le kilómetro 249 rech ri nimab’e kab’e pa Ayutla, San Marcos ri’.
Eri reqa’lenel chajin tinamit xkiq’atij e oxib’ chi ch’ich’ ri’ e b’inisam b’i kumal a Jean Francoise Rodríguez Ortíz, 36 ujunab’, a Manuel Alejandro Ovalle Pellecer, 47 ujunab’ xuquje’ al Suri Virginia Carrillo Morán Hernández, 35 ujunab’, eri e are ri’ xechapatajik are chi’ e b’enaq, e k’o e b’elejeb’ chi wiinaqib’ e venezolano ri maj kiwujilal keqam xeriqitaj pa rulewal qatinamit.
Eri reqa’lenel q’atenik awan kunab’al ri’ e are xkiriq pa le ch’ich’ kajib’ chi ch’aweb’al, jun kolib’al ruk’ cocaína, ruk’ USD$ 2 mil 675 xuquje’ Q700 chi pwaqil ri’.
Eri nik’aj winaq ri’ xechapik xuquje’ xek’am b’i pa jun q’atb’al tzij ri’ xuquje’ xek’am b’i ri winaq e ajq’axel ri’ e are ri’ xek’am b’i pa le Instituto Guatemalteco rech Migración (IGM).