Eri q’atb’al tzij rech ri Subdirección General rech Investigación Criminal (SGIC), rech ri División Nacional Ajchajinelab’ e Ajq’atenel taq Pandillas (Dipanda) ri’ rech ri Wokajil Chajin Tinamit (PNC) xkiya utzijol che pa k’isb’al taq q’iji ri’ e k’o 149 chi winaqib’ e uwinaqilal ri pandillas xechapatajik rumal xkib’an taq toq’inik pwaq, xkijach ch’aweb’alil, k’aqb’al ri’.
Pa taq ri chajinem kumal ri e ajchajil tinamit xkib’an ri xkiterenb’ej b’anoj taq tzukunem ri’ rumal k’u ri’ xb’antaj kowonem xechapataj e 149 chi winaqil, e 88 e ixoqib’ xuquje’ e 61 achiijab’, kab’ixik e uwinaqil ri Mara Salvatrucha (MS), rech ri pandillas rech ri Barrio 18 xuquje’ nik’aj xa’ kikojom kib’ che e b’anol k’ax.
Jeri’ eri SGIC e uq’atim e job’ chi molaj b’anol k’ax che ri kakitoq’ij pwaq ri’, rumal e k’o pa narcotráfico xuquje’ b’anoj ch’ijom k’ax chi kech ri winaqib’. Xya ub’ixik che ri tzukno’jchak ri’ xkiterenb’ej ub’anik rech kato’ik pa juntir ri winaqilal.
Eri b’anoj tzukunem ri’ are la’ kuya uchuq’ab’ ri Plan 03-2024 Rech ya’ik uchuq’ab’ ri uwachwujil ri’, chi uwach k’ut eri reqa’lenel ri Dipanda kakilo wi, kakitz’ib’aj wi kib’i’ taq ri winaqib’ xuquje’ ri ch’ich’ pa taq ri okib’al pa taq rachoch taq japache’ tz’apib’al rech uq’atexik jastaq ri ya’tal taj ka’okisax chi la’.